Video
Read full review
2019-08-11
2067 views
作為牛魔王，黎呢間牛魔簡直最適合不過。裝修型格，呢度播住輕快既歐美流行曲，但其實係一間日本 x 韓國既燒肉餐廳，淨係睇枱上面既餐具擺設已經知道，有日式筷子，仲有韓國既大頭羹。一坐低已經有前菜三碟，同樣係有韓有日，有芽菜、青瓜仲有中華沙律。前菜模式同好多韓式舖頭一樣係無限添加。咁啱食曬中華沙律之際，店員加左泡菜比我，正啊，淨係前菜已經超豐富喇。餐牌有日本、美國、澳洲既牛任君選擇，我就揀左一款日本牛同一款美國牛。等左五分鐘主菜就黎喇。打完卡之後侍應就幫手燒，首先用一塊牛脂肪掃個爐面，然後就開始燒喇。A4西冷50g（$130），西冷薄切。配甜豉油加生蛋做醬。侍應燒一分鐘左右已經食得，到七成熟左右，略嫌熟左少少，不過因為無醃製過，所以依然有好自然既牛味。美國Prime醬油牛肋骨（$198），有兩大塊，醃製過既所以基本上唔係點任何醬料已經超夠味。牛肋骨因為厚身好多，所以都要燒3-5分鐘視乎個人喜好，上一塊比較熟，所以今次我特別要求生少少。效果果然非常滿意啊，本身醃得幾甜，肉質幾嫩，咬落夠曬juicy，配飯一流。呢度既白飯係珍珠米（$20），粒粒分明架。食左咁多heavy野，梗係飲杯清清地既，呢度
裝修型格，呢度播住輕快既歐美流行曲，但其實係一間日本 x 韓國既燒肉餐廳，淨係睇枱上面既餐具擺設已經知道，有日式筷子，仲有韓國既大頭羹。
一坐低已經有前菜三碟，同樣係有韓有日，有芽菜、青瓜仲有中華沙律。前菜模式同好多韓式舖頭一樣係無限添加。咁啱食曬中華沙律之際，店員加左泡菜比我，正啊，淨係前菜已經超豐富喇。
餐牌有日本、美國、澳洲既牛任君選擇，我就揀左一款日本牛同一款美國牛。
等左五分鐘主菜就黎喇。打完卡之後侍應就幫手燒，首先用一塊牛脂肪掃個爐面，然後就開始燒喇。
A4西冷50g（$130），西冷薄切。
配甜豉油加生蛋做醬。
侍應燒一分鐘左右已經食得，到七成熟左右，略嫌熟左少少，不過因為無醃製過，所以依然有好自然既牛味。
美國Prime醬油牛肋骨（$198），有兩大塊，醃製過既所以基本上唔係點任何醬料已經超夠味。
牛肋骨因為厚身好多，所以都要燒3-5分鐘視乎個人喜好，上一塊比較熟，所以今次我特別要求生少少。
效果果然非常滿意啊，本身醃得幾甜，肉質幾嫩，咬落夠曬juicy，配飯一流。呢度既白飯係珍珠米（$20），粒粒分明架。
食左咁多heavy野，梗係飲杯清清地既，呢度除左梳打，仲有熱茶。呢度既熱茶係香片。
食左咁耐都無點聞到油煙味，爐邊既抽油煙系統果然非常唔錯。
Post
