兄弟工房 (Closed)

班尼迪蛋配菠菜煙三文魚($108)，賣相非常吸引，上菜時兩隻蛋不停咁震震下，一切開d蛋汁簡直多到滿瀉，非常滑，配埋鹹鹹地既煙三文魚同埋底層煙韌既麵包，口感層次豐富。香烤紐西蘭西冷扒($118)，同樣賣相都好吸引，有燒烤既網紋，牛扒厚度適中，最重要夠嫩滑易切易咬，覆蓋住其實仲有翠肉瓜和蕃薯仔，咁就唔怕淨係食肉會容易肥。餐湯，係跟餐附送，雖然冇寫明係咩湯，但飲得出有薯蓉既味道。凍檸水，同樣跟餐附送，唔使加錢。