千樂燒味餐室 (Closed)

第一次試呢間燒味店，好光猛，感覺唔錯。中午時段有啲多人，好在都算早嚟到唔需要等位。食咗個寫住「必試」嘅燒鵝叉燒飯套餐，套餐有湯、飲品、小食。不得不提個涼拌青瓜，味道調校得啱啱好，超多蒜香汁，帶少少辣但仍然保持到青瓜嘅清新味，我好似有啲錯重點...不過係好食嘅！講返呢個必食嘅燒鵝叉燒先！坊間好多時都係比燒鴨，但呢度係食燒鵝，燒鵝肉質彈牙，皮乾身脆口，配埋個酸梅醬，忍唔住好快就食晒，不過係有少少肥～唔知係次次都鵝脾定咁啱今次係呢～是日例湯係節瓜豬肉湯，好有住家湯嘅味道，攞出黎個時仲要出曬煙，好天然嘅味道呀！