Video
Read full review
2020-07-08
37 views
一行四人到尖沙咀吃好西，門口一大隻牛頭燈飾，搶眼易認，入門口當然要做足探熱清潔雙手等指定動作，店舖有大枱細枱、吧枱，裏面仲有一間房仔，適合唔同組合嘅人坐。晚市有幾款二人餐和四人餐，也可以散叫，呢輪大家都節食，所以諗住散叫好啲。鳥肶肉醬油（$95），本身喜歡吃雞嘅我覺得呢個好好味，肉質好滑又鎖到肉汁，而且醃製嘅味道非常好，好鍾意呀！五花腩有薄切和厚切之分，價錢稍有不同，最後決定要薄切（ $110 ）自動配埋西生菜，雖然呢個冇乜點醃，但係見到佢表面已經有少量調味料，所以食嘅時候即使唔點燒汁或者岩鹽，味道都可以接受。如果做生菜包就會多咗蔬菜嘅水份，也可以點豆瓣醬，我都幾鍾意呢個食法。另外燒肉店當然要食牛啦，呢度提供日本、澳洲和美國嘅牛，我哋試咗一個美國牛肋骨，雖然有舊骨，但係肉嘅部份都幾多，佢都有分醬油味和沒有醬油味，我哋都係揀有醬油的，我幾鍾意呢度嘅醃製味道，好入味呢！記住啲牛唔好燒咁耐，就點都好食㗎啦！值得一讚係呢度仲會提供較剪，方便你剪開大塊肉大家share食！👍🏻另外也很想試一款日本和牛，所以點了一個A4上等雪花和牛小排（ 110g/$195）雖然只有五片，都算有些少厚度，色澤紅潤，
晚市有幾款二人餐和四人餐，也可以散叫，呢輪大家都節食，所以諗住散叫好啲。
鳥肶肉醬油（$95），本身喜歡吃雞嘅我覺得呢個好好味，肉質好滑又鎖到肉汁，而且醃製嘅味道非常好，好鍾意呀！
五花腩有薄切和厚切之分，價錢稍有不同，最後決定要薄切（ $110 ）自動配埋西生菜，雖然呢個冇乜點醃，但係見到佢表面已經有少量調味料，所以食嘅時候即使唔點燒汁或者岩鹽，味道都可以接受。如果做生菜包就會多咗蔬菜嘅水份，也可以點豆瓣醬，我都幾鍾意呢個食法。
另外燒肉店當然要食牛啦，呢度提供日本、澳洲和美國嘅牛，我哋試咗一個美國牛肋骨，雖然有舊骨，但係肉嘅部份都幾多，佢都有分醬油味和沒有醬油味，我哋都係揀有醬油的，我幾鍾意呢度嘅醃製味道，好入味呢！記住啲牛唔好燒咁耐，就點都好食㗎啦！
值得一讚係呢度仲會提供較剪，方便你剪開大塊肉大家share食！👍🏻
另外也很想試一款日本和牛，所以點了一個A4上等雪花和牛小排（ 110g/$195）雖然只有五片，都算有些少厚度，色澤紅潤，油花夠靚！呢個真係好好味，物有所值，肉質夠腍，油香撲鼻，令人念念不忘。
另外我哋也叫了兩個主食，包括石鍋拌飯（ $110 ）以及韓式炒粉絲（ $65 ）。石鍋拌飯有牛肉加青瓜、蘿蔔絲、蛋絲和芽菜等配菜，店員喺我哋面前拌飯，又幫我哋分埋四碗，味道都唔錯啊。
另外炒粉絲就大件夾抵食，材料同石鍋拌飯差不多，粉絲都滑，味道又好，非常推薦。
Post
