牛魔 (Closed)

牛魔 (尖沙咀)尖沙咀棉登徑8號地下5-6號舖。我終於都試人氣一直都保持到既牛魔，果然名不虛傳，熟食同肉類都好出式。櫻花蝦豆腐、櫻花蝦餃子兩款食物都有好多櫻花蝦，餃子都幾大隻飽肚。松露肉碎炒飯唔好睇佢平平無期咁既樣，用石鍋熱辣辣上檯，有牛肉、黑松露醬，炒飯好乾身好好味。蘋果木煙燻松露牛肉他他好驚喜既一道牛肉他他，平時我覺得熟牛肉係比較好味，但煙燻同松露令他他味道昇華。澳洲M5/M6和牛牛板腱、香蔥薄切牛舌、全天然豚肉五花腩黎得呢度梗係唔少得燒肉，牛板腱薄切，燒兩下已經食得，燒之前記得用和牛牛脂起爐先，五花腩係厚切，包埋生菜同大醬食，十分美味，一d都唔覺得肥膩