鮨文 (Closed)

最近朋友要做老襯啦，所以我就請佢食好西，收工一齊去左鮨文日本菜，入到黎見到都坐滿晒客。我地好幸運坐到靚位同廚師交流，而且有廚師講解說明菜餚，完全貴賓式既享受😝。有2款omakase可選擇，一款$1580一位，一款$1980。既然係慶祝佢做老襯，當然揀$1980啦😎。omakase係由廚師安排最新鮮且當造既食材，去整料理俾客人食。第一道係 三文魚籽蒸蛋飽滿既魚籽，再加上啖啖油脂味，好正。蛋好嫩滑，入面有菇元貝，鮮味爆汁。另外有少少酒味，一啲都吾腥，好正😋各種魚生、壽司都好新鮮出色，廚師會起面前即場整😋，廚師叫影完相就好食，攤耐多陣已經會變得無咁新鮮好食😂。拖羅海膽吐司拖羅好正，肥瘦適中，油脂好香，而且上面配上海膽，好夾👍🏻。另外，大極上海膽係由日本魚市場投返黎既，香港係無得賣架。廚師話佢地公司同日本簽左約，每日都有固定新鮮食材寄到香港。靜岡蜜瓜&提子廚師叫食左提子先再食蜜瓜，因為提子有小小酒味，蜜瓜好甜好香😍。