Video
Read full review
2020-01-20
1783 views
見呢間餐廳喺openrice咁多好評又係黃店就去食吓，不過可能期望愈大失望愈大！佢個邪惡包，唔知有幾邪惡，淨係覺得好迷你。所謂嘅包一啖冇咗都唔係好食到咩味😂，唔講我差啲唔知原來自己食咗塊鵝肝😂。原條鰻魚石鍋飯睇上去是吸引，食落去是失望。啲飯「乾憎憎」，飯焦「硬倔倔」。而且勁多飯焦但冇咩飯香，每啖食落口都有飯焦，每啖食落口都覺好硬，每啖食落口都會失望。鰻魚唔係叫難食，但一定稱不上好食。雖然係原條但唔係大條，食幾啖冇咗，留吓都係硬白飯😩。心之火焰鐵板牛柳串，個名夠威武，燒落夠威猛。但啲火2秒冇咗，影都未影得切，食落完全唔熱，同埋好乾又冇汁點🤷🏿♂️。李小龍卷，食落冇特別，而蟹鉗尖只係造型冇得食。好似騎劫咗李小龍個大名做綽頭🤡。之後係海膽，又細又無味，講多無謂😴。唯一讚係藍碟花白桃乳酸幾好飲，但除咗呢杯我睇唔到有咩其他吸引我嘅飲品，所以兩個人就只係叫咗一杯嘢飲😅。最後想講係環境都幾迫下，想影張靚相都好難，作為一個手機食先嘅美食博客的確係個挑戰🤯。食咗幾樣嘢，但其實份量好少所以食唔飽，埋單都要$504，呢個價錢食啲咁嘅嘢完全唔值🥴。啱啱食完，職員就即時拎張單要我哋埋，好想趕我哋走。眼見好多人排
佢個邪惡包，唔知有幾邪惡，淨係覺得好迷你。所謂嘅包一啖冇咗都唔係好食到咩味😂，唔講我差啲唔知原來自己食咗塊鵝肝😂。
原條鰻魚石鍋飯睇上去是吸引，食落去是失望。啲飯「乾憎憎」，飯焦「硬倔倔」。而且勁多飯焦但冇咩飯香，每啖食落口都有飯焦，每啖食落口都覺好硬，每啖食落口都會失望。鰻魚唔係叫難食，但一定稱不上好食。雖然係原條但唔係大條，食幾啖冇咗，留吓都係硬白飯😩。
心之火焰鐵板牛柳串，個名夠威武，燒落夠威猛。但啲火2秒冇咗，影都未影得切，食落完全唔熱，同埋好乾又冇汁點🤷🏿♂️。
李小龍卷，食落冇特別，而蟹鉗尖只係造型冇得食。好似騎劫咗李小龍個大名做綽頭🤡。
之後係海膽，又細又無味，講多無謂😴。
唯一讚係藍碟花白桃乳酸幾好飲，但除咗呢杯我睇唔到有咩其他吸引我嘅飲品，所以兩個人就只係叫咗一杯嘢飲😅。
最後想講係環境都幾迫下，想影張靚相都好難，作為一個手機食先嘅美食博客的確係個挑戰🤯。食咗幾樣嘢，但其實份量好少所以食唔飽，埋單都要$504，呢個價錢食啲咁嘅嘢完全唔值🥴。
啱啱食完，職員就即時拎張單要我哋埋，好想趕我哋走。
眼見好多人排著隊黎中伏，openrice不尋常地咁多好評，我唔想講得太明，大家心裡面明🤫。
黃店不妨幫襯，但劣食豈能回頭？
32 views
0 likes
0 comments
12 views
0 likes
0 comments
11 views
1 likes
0 comments
Post
