楚撚記大排檔 (日富里百好大廈) (Closed)

一直都好鐘意食大排檔，依間坐得舒服得黎又好好食！星期六晚黎到好旺場叫左黃金椒鹽粟米($76)，一咬已經食到鹹蛋黃嘅香味，同粟米嘅香甜多汁幾夾，鹹鹹甜甜咁幾開胃另外叫左香煎黑松露手打蓮藕墨魚餅($118)，香黑松露味得黎又唔會掩蓋咗蓮藕同墨魚本身嘅味道，咬落仲好彈牙仲叫左西楚霸王雞半隻($158)，葱油味同蒜味好香好濃郁，雞肉食落嫩滑多汁依到仲有得食豬油撈飯($25)，上枱時連豬油、豉油、葱花同芫荽，撈埋一齊之後飯香仲帶淡淡油香，真係不自覺食多咗飯！飲品就當然唔少得叫咗支藍妹($39)，啤啤佢一解油膩今餐真係好豐富！