佳佳甜品

Open Now

Now Closed

同老婆食完晚餐後仲有時間，自然地走去幫襯呢間出名食中式糖水o既舖頭。時間尚早，好快就有侍應帶入去。入面圓枱居多，兩個人去通常都要同其他人搭枱，不過枱面大，冇咩所謂。餐牌選項雖然唔係好多，但好食o既幾款就夠，尤其有芝麻糊、紅豆沙、核桃露、腐竹白果這類傳統糖水。我點了麥米粥，原因係坊間冇咩地方有得賣，而且又香又多顆粒，根本就係傳統的味道。至於老婆大人就叫了紅綠豆兩溝，佢覺得咁樣叫味道會冇咁甜，剛剛好。門面企理，店內光猛寛敝，服務有水準，誠意推介。