佳佳甜品

Open Now

Now Closed

以前一直都好鍾意佳佳甜品，尤其係紅豆沙同西米露，不過最近幾次去，品質真係差咗好多。紅豆沙好稀，冇咗以前嘅濃香，紅豆煮得唔夠腍；西米露更加失望，西米唔透，湯底冇味，甜度又唔均。價錢冇變，但水準真係滑落太多，希望店家正視，唔想再失望。

前幾年每星期都去兩三次堂食，好耐無堂食，現在改左掃QRcode落单，人已經吾同晒，近年多數買外賣，今日食佢招牌蕃薯糖水，蕃薯有渣，糖水冇薑味，同之前真糸天淵之別，之前好濃薑，濃到辣口勁正，蕃薯又又香，已經吾糸之前既佳佳，好失望，更差既係，差不多食完臨走朋友入來坐吾夠一分鐘，店員好快速度走埋吾糸問加吾加单，糸即趕客说不可加人，我們便立即起身走人。感覺勁差，門口冇人排，裏面坐吾滿，吾知点解咁巴閉，大把選擇，以後都不會再去食。

已很多年沒食此店,  中伏是點了百合綠豆沙,  不是沙是水,  真是糖水, 我是想食到有綠豆的綠豆糖水, 而且感覺綠豆糖水配海帶會好食過配百合吧, 食完真的有些失望, 食店入過米芝蓮真的不一樣, 感覺有點可惜, 因為多年前在永安旁的店, 那時真的很好味, 回憶仍覺好味的港式地道糖水, 真的只能在回憶裡.

今晚去咗，叫咗一碗紫米露外賣，細碗到呢…. 倒落去個飯碗都唔滿，$37……真係有D過份本身個外賣‘杯’ 都唔大，仲要唔滿…… 好多地方都大碗過佢，味道差唔多或更好無下次

食完晚餐，轉場去甜品店。見到這間在附近就來試試。佢好大，有2層樓層，環境簡單難清潔度有待改善。我哋點了6碗甜品。有杏仁糊拼芝麻糊、芝麻糊拼蓮子紅豆沙、芝麻糊拼百合綠豆沙、楊枝甘露、薑汁加湯丸及芋茸西米拼花生麥米粥加湯圓。我點的杏仁糊拼芝麻糊好甜，雖然都香杏仁味及有少少芝麻糊，也夠熱，但太甜了。芝麻糊拼蓮子紅豆沙的雙拼甜度剛甜，可惜紅豆粒粒不夠軟棉。芝麻糊拼百合綠豆沙楊枝甘露：芒果肉都幾大粒都算多粒，西米及西柚粒粒，但都是太甜了薑汁加湯丸的薑味香濃又夠熱，暖身。芋茸西米拼花生麥米粥加湯圓服務員哥哥都算好，幫我哋調底冷氣吹風，但我哋用現金俾錢要先落單加俾錢才正式落好單，點知最後阿嫂去收銀處付款，個收銀員又再收一次，好彩我哋問一問，唔係就收double,要小心謹慎！

叫咗個黑芝麻糊拼合桃露加湯圓然後叫咗個楊枝甘露黑芝麻糊就勉強可以嘅但係個楊枝甘露完全唔會再返去食呀直程都冇食完，入邊材料非常之少，兩碗都好細，楊枝甘露真係好差可能是但附近一間都好過佢啊

因为小朋友喜欢他们家的甜品，所以来了很多次。杏仁露拼芝麻糊，娃史无前例喝了一碗后意犹未尽又喝了一碗。当然他们家份量相对深圳的彬妈甜品少了很多。几个招牌都还可以，完全可以根据自己喜好去点。芝麻糊也好，红豆沙也罢，都熬的非常细腻，有自己的特色在。比如陈皮红豆沙，里面红豆很优秀而且陈皮的味道也很突出，二者又能平衡的相得益彰。两位选手难分仲伯，各自精彩。温和滋润，喜欢。但也不用特别特意前往，尤其避开晚间排队高峰期。

佳佳糖水舖，傳承老香港甜味。麥米粥一入口便驚艷——麥粒軟糯帶微彈，甜度剛剛好！腐竹薏米糖水亦綿滑順喉，真材實料無添加。性價比高！芝麻糊香濃帶細沙感，配薑汁湯圓一流！

店員態度惡劣，下午6:30來吃，非繁忙時段，也有不少位，拿張凳放下袋不久，就用普通話同你講座埋一邊，聽不明金髮女侍應不正確發音的普通話，以為個個內地人。另一侍應放個籃裝袋，金髮女侍應即取走凳。落單又要掃QR code , 冇服務可言，既坐得唔舒服，又冇禮貌，價錢貴，水準差好多，糖水太稀和甜，3粒湯圓又細，都要加8元，個碗重要崩𠝹嘴，越做越差，真係冇下次。

叫咗核桃糊紅豆沙，另加$8有3粒細細嘅湯丸，稀nel nel，核桃味唔算好出，紅豆仲少過酒樓食飯送嘅糖水，份量係平時食飯嘅飯碗，性價比好低…店內8成係遊客，出啲咁嘅品質明顯唔care有冇回頭客…

闊別兩年冇食佳佳，估唔到今日再食係令我極度失望，估唔到一間傳統糖水舖，充滿情懷，今日經開再食已經淪為一間粗製濫造，淨係比內地人打卡嘅網紅店。叫咗碗綠豆沙，夠膽死可以糖精開水，綠豆沙冇綠豆，冇真材實料之餘，用糖精賺取暴利，利益同質素之間，估唔到呢間傳統中式糖水選擇用低成本欺騙內地遊客，甚至係香港消費者，我真係極度失望，絕對唔會再返嚟食，係絕對唔會！！32$買咗一個教訓，亦都買咗個心痛，勸告香港消費者睇清楚呢間舖頭，我從來唔寫食評，今次真係忍唔住要寫個負評！

每次有朋友響外國返嚟，我都會帶佢去佳佳食糖水，盡下地主之誼，但係今次已經係第二次俾個地中海侍應呼喝，今次真係頂唔順要寫食評，已經好耐冇寫食評，竟然為咗一個地中海嘅侍應，我要重出江湖，再寫食評，響門口佢已經好大聲咁，好冇禮貌呼喝啲食客，老人家都唔放過。叫糖水要用QR code，但係佢個電子叫餐，又唔係咁成熟，如果你支付寶冇錢，或者你唔想入信用卡同埋個人資料，你又要叫侍應落單，落完單，又要走出去比八達通或者現金。眼見啲客走來走去，仲要俾呢個侍應呼喝終於我爆啦，我真係好大聲咁回應佢，佢仲叫我唔好咁勞氣，我話你咁嘅態度，我再勞氣啲都仲得。鬧完佢幾句，佢就收斂咗下啲啲。講到糖水方面而家真係差好多，老闆娘響間細舖時，佢老公負責生產，真係好好食。其實依家啲糖水嘅質素真係周圍都有，冇必要俾人不禮貌對待一肚氣。

喺佐敦想揾間糖水舖食下，雖然見到食評多咗人講佢質素下降，但始終自己冇食過，諗住即管去試吓，點知，真係失望了😮‍💨一坐低，要QR code落單，食之前要網上比錢/即刻去櫃檯俾錢，都算，當你電子化叫咗一碗合桃露，唔係好夠熱，合桃味道唔太出，個甜味有啲怪，食完喉嚨涸涸地..$32買個死心，無下次😮‍💨希望遊客都可以試下其他更好嘅本地糖水舖，我都係去返食地茂館算了

香港人慣咗食完晚餐一定食甜品，同朋友食完晚飯行咗去佐敦食甜品，大家都好鍾意中式甜品。分別嗌咗腐竹雞蛋糖水同埋合桃糊，本身仲想嗌多個糖不甩，但係發現原來餐廳冇。不過佢哋好專注做傳統甜品全部都好食

因朋友從台灣來港出差敘舊，吃完點心到後，再附近找個糖水店再繼續聊一下，週日下午兩點，人不算太多，排一下馬上有位。這家一直是米其林推薦的糖水舖，在台灣也有分店，第一次試，朋友點了楊枝甘露，價錢偏高；我們各點了紅豆湯跟芋頭西米露，感覺很濃郁很滑順，不過真的沒有非常特別，如果剛好在附近可以一試，不用特別跑一趟芋茸蓮子西米露紅豆沙加湯圓楊枝甘露