漁釧 (V Walk) (Closed)

將軍澳人相約屯門人食飯，發現南昌開左個新場，位置甘方便，就係呢度搵左間日本野試下。個新商場幾靚嘅，同埋一出站行幾分鐘已到😀每次食日本野，我都鐘意叫松葉蟹肉野菜沙律。今次都唔例外。我覺得佢嘅sauce唔會過多令到個salad好漏。佢嘅蔬菜都新鮮爽脆。面頭都算多蟹肉。唔錯唔錯。我地一人叫左一個面。我叫左天婦羅炸蝦道庭烏冬。朋友叫左叉燒拉面。我想講個烏冬好好食，好彈牙，個湯唔會太鹹。 最加分為啲天婦羅嘅炸粉好薄身，炸到熱辣辣脆loklok。有蝦、有冬菇、有南瓜，都有四五嚿。整體性價比高!朋友嘅叉燒拉麵都幾好食，湯底好濃沃，啲面有少少似闊條意粉，掛湯能力高，彈牙。有四五嚿叉燒，性價比都高!最後，我地屎忽痕叫多咗個炸魚仔，炸魚仔大概有兩隻手指大。 朋友話呢隻size好少喺街市見到。炸到脆loklok，調味唔會過咸。