胡爐 (Closed)

早輪食得台式火鍋多，今日同另一半黎銅鑼灣胡爐，簡簡單單撐枱腳。餐廳位於百樂中心，成棟大廈都頗多食肆，樓下都幾多人排隊等電梯。裝潢走高檔路線，有梳化位，唔會話太嘈吵，因為枱與枱間有塊木屏隔開。餐牌選擇都多，價格中上，除左海鮮、肉類、丸餃，蔬菜、麵食等。牛肉都分手切肥牛、A5和牛肉眼、金錢展、牛柳粒、牛舌、牛胸爽，比較抵食可以選點牛拼盤，就樣樣都試到。醬油、茶芥 $30/位鮮椰青雞鍋 $298點左椰青雞鍋，鍋中有雞、椰子肉同杞子，店員會幫手輕輕炒一炒，加少少清酒再用火槍燒一燒，噱頭之餘都令鍋底有少少酒香。然後店員會加入新鮮椰青水同椰子湯底。雞肉偏瘦啲， 湯底就唔係話好清新嘅椰子味，勝在唔會太鹹。牛胸爽 $188淥一淥收左水就食得，牛胸爽真係幾正，呢度算幾厚切，入口爽脆。蟶子 $96/2隻如果鐘意食海鮮，呢度都點得過，試左蟶子，非常新鮮，夠大隻，淥到離殼就食得，爽口到不得了，又鮮味牛骨牛汁丸 $48丸類可以點半份，我地人少少就啱啱好。牛丸唔錯，質地紮實爽彈，肉汁滿滿手工雲吞 $48雲吞都有原隻蝦肉，中規中矩。自家製韭菜餃 $48韭菜餃幾好食啊，韭菜夠多夠香，唯獨摺口位嘅皮比較厚身。午餐肉 $