Video
Read full review
2021-09-14
4442 views
今晚爸爸生日，想同爸爸食餐好既。市面上純火鍋既或純日式放題既好多。但今日黎既呢間又有得食火鍋又有得食日式放題，即係刺身、壽司個d...都唔錯呀。之前一早已book定檯了，一早揀左會去食150分鐘既任食放題。以晚市來計，可以選擇食120分鐘或150分鐘既。因應自己需要啦。其實120分鐘都足夠既，不過我都想慢慢坐下，慢慢食，所以貴多少少揀個長點時段既。除左時段可以有長短外，食既款都有唔同架，最貴個款餐仲可以食到日本黑毛和牛tim...真係好正。其實以任食又有咁多靚肉黎講，呢間都算性價比高呀。入座時揀埋湯底，都好多款唔同選擇架。我地揀左壽喜燒，襯返d日本靚肉。第一round野食餐廳會自動幫我地落既，其實咁都好呀，每款都試到少少先，鍾意食既再自己掃qr code encore....刺身好靚呀又新鮮，有三文魚、蝦、帶子等等。又鮮又甜，仲可任食架，唔夠就自己隨便點，食得夠盡興。除左刺身外，出面仲有壽司拎，我見都好多食客拎，而且一食到7788，餐廳都會好快refill...呢間餐廳上菜速度都快。所以唔洗驚浪費時間等野食黎。仲有真係要提一提d靚肉，每款肉都紅紅的，好新鮮好好味架，切得薄薄地，一滾就好
今晚爸爸生日，想同爸爸食餐好既。市面上純火鍋既或純日式放題既好多。但今日黎既呢間又有得食火鍋又有得食日式放題，即係刺身、壽司個d...都唔錯呀。
之前一早已book定檯了，一早揀左會去食150分鐘既任食放題。以晚市來計，可以選擇食120分鐘或150分鐘既。因應自己需要啦。其實120分鐘都足夠既，不過我都想慢慢坐下，慢慢食，所以貴多少少揀個長點時段既。
除左時段可以有長短外，食既款都有唔同架，最貴個款餐仲可以食到日本黑毛和牛tim...真係好正。其實以任食又有咁多靚肉黎講，呢間都算性價比高呀。
入座時揀埋湯底，都好多款唔同選擇架。我地揀左壽喜燒，襯返d日本靚肉。
第一round野食餐廳會自動幫我地落既，其實咁都好呀，每款都試到少少先，鍾意食既再自己掃qr code encore....
刺身好靚呀又新鮮，有三文魚、蝦、帶子等等。又鮮又甜，仲可任食架，唔夠就自己隨便點，食得夠盡興。
除左刺身外，出面仲有壽司拎，我見都好多食客拎，而且一食到7788，餐廳都會好快refill...呢間餐廳上菜速度都快。所以唔洗驚浪費時間等野食黎。
仲有真係要提一提d靚肉，每款肉都紅紅的，好新鮮好好味架，切得薄薄地，一滾就好快熟，薄但又唔會失肉味，真係好香好好味。黑毛和牛、澳洲M5和牛、黑豚肉、豬腩片等等，超多選擇。而且肉色肉質真係好高質。
除左肉靚外，出面仲有好多丸類任拎、麵類、甜品類、炸物類、小食類、熱盤類，真係好多唔同選擇。
食飽飽當然食埋甜品啦，仲有超多韓國雪條架，正。
呢間放題肉真心好靚、款式又多、坐得都舒服。讚
Post
