Video
Read full review
2022-05-11
35 views
經過灣仔見到呢間日式麵屋好特別，佢哋主打撈麵，平時拉麵就食得多，撈麵真係好少食！因為好奇心，入咗去試吓！🍴 正宗全料東京撈麵 M $99 L $109 (8/10)由於中size同大size只係差$10，所以叫咗L size試吓！覺得佢哋嘅嘅L size都係正常食量，同朋友一齊食都覺得L size都唔係特別大，正常麵量，肚餓嘅話可以叫L，如果真係好細食嘅女仔叫返M就可以~撈麵有生蛋黃，半熟雞蛋，肉燥，半肥瘦滷肉，香蔥，筍，紫菜，鰹魚粉~ 撈勻咗之後食落係滷肉汁加鰹魚粉再加少少辣味，整體係鹹辣嘅味道，調味係啱啱好，唔會太鹹都幾香口，麵比較粗身，好有口感！每一樣食材都好高質，生蛋黃有蛋香，半熟雞蛋係流心嘅都好有蛋味，滷肉偏肥少少但都唔會油膩，食落去似台式口味，肉質都好爽口唔會好硬，筍，紫菜就正常發揮，紫菜有少少淋左！整體來講都幾特別，似係日式嘅台灣嘢，但又加咗日式嘅元素，日式嘅粗麵，同拉麵嘅配料！店舖都推薦可以加黑椒同埋醋去食，黑椒就會增加少少辛辣同香口嘅感覺，而家加醋嘅話酸酸地會比較解膩。食完仲有汁剩嘅話，可以問佢哋拎啲白飯撈嚟食~真係好日式風味，拉麵係澱粉白飯又係澱粉，超級飽肚🤣🤣🤣🍦
🍴 正宗全料東京撈麵 M $99 L $109 (8/10)
由於中size同大size只係差$10，所以叫咗L size試吓！覺得佢哋嘅嘅L size都係正常食量，同朋友一齊食都覺得L size都唔係特別大，正常麵量，肚餓嘅話可以叫L，如果真係好細食嘅女仔叫返M就可以~
撈麵有生蛋黃，半熟雞蛋，肉燥，半肥瘦滷肉，香蔥，筍，紫菜，鰹魚粉~ 撈勻咗之後食落係滷肉汁加鰹魚粉再加少少辣味，整體係鹹辣嘅味道，調味係啱啱好，唔會太鹹都幾香口，麵比較粗身，好有口感！每一樣食材都好高質，生蛋黃有蛋香，半熟雞蛋係流心嘅都好有蛋味，滷肉偏肥少少但都唔會油膩，食落去似台式口味，肉質都好爽口唔會好硬，筍，紫菜就正常發揮，紫菜有少少淋左！
整體來講都幾特別，似係日式嘅台灣嘢，但又加咗日式嘅元素，日式嘅粗麵，同拉麵嘅配料！
店舖都推薦可以加黑椒同埋醋去食，黑椒就會增加少少辛辣同香口嘅感覺，而家加醋嘅話酸酸地會比較解膩。食完仲有汁剩嘅話，可以問佢哋拎啲白飯撈嚟食~真係好日式風味，拉麵係澱粉白飯又係澱粉，超級飽肚🤣🤣🤣
🍦日式雪糕 忌廉芝士 $36 (8/10)
本來想要海鹽雪糕，但係餐廳話賣晒剩係得忌廉芝士同埋柚子(餐牌上面都冇呢兩種味🤣 雪糕係用北海道牛奶去做，食落好香濃牛奶味道，帶有少少忌廉芝士嘅鹹香，creamy同奶香，質感係好細滑，真心幾好食~
推薦指數: 8/10
整體嚟講，真係好特別都幾好食，但可能我唔係好鍾意創新撈麵，都係覺得正宗日本拉麵好食啲！但真心撈麵係唔會伏，正常來講每一樣嘢都好食，只係撈埋一齊唔係特別好食同吸引🤣可能下次嚟喂試吓明太子撈麵或者芝士撈麵！
Post
