Video
Read full review
2023-04-12
123 views
灣仔有大大小小唔同嘅漢堡包店，今次去到呢間「Burger Joys」，已經相隔兩年冇食過。咁記得佢哋麵包質素唔錯，最近晚餐再次到訪，餐廳環境佈置輕鬆自然，最適合同朋友閒聊食返個漢堡包、飲杯啤酒。<魚柳漢堡> $90平時點開牛肉漢堡，今次同一個唔識牛嘅朋友一齊食飯，於是兩個都點左唔喺牛肉嘅漢堡。魚柳本體比包仲要大塊。厚身之餘，魚肉味濃軟滑，炸得剛剛好。除咗炸魚柳，仲有蕃茄片、洋蔥圈和生菜配料，加埋微酸既他他醬，口感爽脆多汁。<雜菌蘑菇芝士漢堡> $90combo (扭扭薯條&Goose IPA) +$42 漢堡包略帶微微焦香感，比起坊間多數用大啡菇，店家好細心咁雜菌蘑菇打碎咗&壓成餅煎香，唔覺得食緊素食漢堡。食落好滿足，菇香好明顯。升級Combo就加$42，包埋薯條同飲品。薯條都有幾款可以揀，分別有薯寶、薯條、洋蔥圈同埋扭扭薯條，扭扭薯條幼身得來又炸得香脆，枱面有茄汁﹑芥末醬可以自由混搭，再飲啖Goose IPA啤酒，舒壓之選。
<魚柳漢堡> $90
平時點開牛肉漢堡，今次同一個唔識牛嘅朋友一齊食飯，於是兩個都點左唔喺牛肉嘅漢堡。魚柳本體比包仲要大塊。厚身之餘，魚肉味濃軟滑，炸得剛剛好。除咗炸魚柳，仲有蕃茄片、洋蔥圈和生菜配料，加埋微酸既他他醬，口感爽脆多汁。
<雜菌蘑菇芝士漢堡> $90
combo (扭扭薯條&Goose IPA) +$42
漢堡包略帶微微焦香感，比起坊間多數用大啡菇，店家好細心咁雜菌蘑菇打碎咗&壓成餅煎香，唔覺得食緊素食漢堡。食落好滿足，菇香好明顯。
升級Combo就加$42，包埋薯條同飲品。薯條都有幾款可以揀，分別有薯寶、薯條、洋蔥圈同埋扭扭薯條，扭扭薯條幼身得來又炸得香脆，枱面有茄汁﹑芥末醬可以自由混搭，再飲啖Goose IPA啤酒，舒壓之選。
Post
