陳儀興尚潮樓 (太子道西)

Open Now

Now Closed

今日想食潮州野，朋友諗起嚟太子陳儀興食飯，皆因坐得舒適，食物又有質數。晚餐時段好多人，香港人對食物確係有一份執著，係好識食。我地揀咗「鵝三寶」有齊想食嘅鵝腸．鵝肝．鵝肉，鹵水好入味，底層仲有豆腐。真心好食👍🏻「魚露浸花甲」呢個我鍾意，凍食又有另一翻風味，魚露浸透後又唔會掩蓋咗嗰份鮮味👍🏻「豆醬煮海魚」一向都好鍾意食黃花魚，喜歡肉質好滑，仲新鮮，蒸得剛剛好，唔會太過熟😍「汕頭煎蠔烙」大大塊，即炸熱辣辣，脆卜卜，裡面滿佈大大隻肥美蠔仔，潮州菜必食。再加埋 潮汕飲品「老藥桔」為今餐添上完美句號。