Read full review
2017-05-19
9348 views
同同事們一齊食放題，之前已經食過同一棟大廈嘅御前同大滿喜，今次挑戰埋聲稱極尚級數嘅大瀛喜，8人大枱，樓底夠高，環境闊落，有自助區，擺放飲品，沙津水果，甜品，湯，小食，仲有軟雪糕機。5點半到7點半，每位190，價錢好吸引吧～飲品區有海量飲品，以為自己去左便利店，唔怕你飲唔落，就怕你有選擇困難症刺身質素相當高，最正係牡丹蝦，劍魚腩同油甘魚，牡丹蝦好大隻，足足有手掌位咁長，蝦身粗過手指公~! 劍魚腩同油甘魚充滿魚脂香，非常滿足，第二輪時亦安哥了不少。左口魚邊壽司同和牛壽司推介!! 池魚壽司亦相當不錯，其他地方比較少有。松葉蟹松露軍艦，呢個非常好食，有敏感嘅朋友親身示範，原來係有真蟹肉! 燒鰻魚又係非常正! 平時賣得好貴嘅鰻魚，可以任叫! 而且夠厚肉，醬汁惹味，肉質新鮮爽嫩，朋友們食過都bling bling 眼炸羊架有香草醃得好入味，肉質夠嫩，燒得香脆，熟得剛剛好7成，欣賞!炸物代表芝麻雞翼同吉列蠔，炸得好香脆又juicy，榴槤炸彈好香濃既味道，嚇怕了對座嘅朋友燒牛舌肉質爽嫩，燒得剛剛好，又係安哥嘅目標。燒菠蘿係放題必需品，juicy，香甜，暖笠笠，可以消減油膩感。食埋雪糕已經飽到反艇，感
5點半到7點半，每位190，價錢好吸引吧～
飲品區有海量飲品，以為自己去左便利店，唔怕你飲唔落，就怕你有選擇困難症
刺身質素相當高，最正係牡丹蝦，劍魚腩同油甘魚，牡丹蝦好大隻，足足有手掌位咁長，蝦身粗過手指公~! 劍魚腩同油甘魚充滿魚脂香，非常滿足，第二輪時亦安哥了不少。
左口魚邊壽司同和牛壽司推介!!
池魚壽司亦相當不錯，其他地方比較少有。
松葉蟹松露軍艦，呢個非常好食，有敏感嘅朋友親身示範，原來係有真蟹肉!
燒鰻魚又係非常正! 平時賣得好貴嘅鰻魚，可以任叫! 而且夠厚肉，醬汁惹味，肉質新鮮爽嫩，朋友們食過都bling bling 眼
炸羊架有香草醃得好入味，肉質夠嫩，燒得香脆，熟得剛剛好7成，欣賞!
炸物代表芝麻雞翼同吉列蠔，炸得好香脆又juicy，榴槤炸彈好香濃既味道，嚇怕了對座嘅朋友
燒牛舌肉質爽嫩，燒得剛剛好，又係安哥嘅目標。
燒菠蘿係放題必需品，juicy，香甜，暖笠笠，可以消減油膩感。
食埋雪糕已經飽到反艇，感覺呢間係呢棟大廈性價比最高嘅一間，因為磯燒海鮮太浪費時間心神，反而集中提高刺身熱食質素比較實際，而且價錢相當抵，服務亦相當好，如果考慮緊揀邊間好嘅朋友可以考慮試呢間!
Post
