834
45
24
5-min walk from Exit A2, Kwun Tong MTR Station continue reading
All Branches (3)
Telephone
31882628
31882638
Opening Hours
Today
12:00 - 15:00
17:00 - 23:00
Mon - Sun
12:00 - 15:00
17:00 - 23:00
Payment Methods
Visa Master AlipayHK Alipay Cash Octopus UnionPay OpenRice Pay
Number of Seats
350
Other Info
Wi-Fi
Alcoholic Drinks
Phone Reservation
10% Service Charge
Spot payment
Above information is for reference only. Please check details with the restaurant.
Review (1017)
耐唔耐刺身癮又起,會好想瘋狂任食一番,人氣日式放題「極尚大瀛喜」放題限時兩個鐘,旺角同元朗分店都幫襯過,今次第一次嚟觀塘店,餐廳環境好大樓底高,獨立卡座寛敞坐得舒服,私隱度高,同朋友盡情食嘢傾偈都好放鬆。我哋用QR code落單,餐廳另設有熟食、冷盤、飲品、甜品自助區,任飲任食。⊙刺身安排入座後即刻點一round刺身先,刺身款式都好多,松葉蟹腳、磯煮凍鮑魚呢類型放題比較少有,三文魚、油金魚、吞拿魚、北寄貝、帶子、酒煮榮螺、八爪魚,赤貝、赤蝦、甜蝦,點完一陣就好快送到上枱,擺盤好靚,嗰種鋪滿刺身澎湃感一定要打卡先。個人最鍾意赤貝肉厚爽脆,油金魚厚切肥美,帶子、甜蝦全部鮮甜,以二百幾蚊一位嚟講,淨係呢盤刺身絕對已經超值,我仲點咗幾轉。⊙創意刺身有四款選擇全部都好味,放題嚟講提供嘅食材都幾矜貴。⦿松露柚子醋池魚王一入口散發松露香氣,池魚王勁鮮味,配柚子醋酸酸的更清新開胃。⦿魚籽柚子醋鰺魚刺身三文魚籽鹹鮮,鰺魚口感滑溜帶少許爽脆,配柚子醋更突出鮮甜風味。⊙壽司壽司款式都唔少,仲有空運鮮魚壽司、火焰壽司同迷你手卷,試唔晒全部。⦿藍鰭拖羅壽司厚切大片超肥美,入口即溶,飯又細嚿,呢個價錢食到藍鰭拖羅勁高質,回本encore之選。⦿海膽手卷手卷係迷你,唔會食一件就飽晒,鍾意食幾多先叫幾多唔浪費,海膽好新鮮,見到一瓣瓣,唔會一出場已經溶溶哋,奶滑甘甜,入口即溶,回本encore之選,最緊要飯係細細嚿,如果唔會飽嘅話,我會一路食落去。⦿油甘魚腩壽司入口油脂豐富,配一點松露醬。⦿火炙三文魚腩三文魚腩豐富油脂經過火炙後更香口,入口充滿魚油香。⦿三文魚筋子壽司筋子新鮮,滲出鹹香。⦿醬燒左囗魚邊壽司醬汁香濃,充滿魚油香,必食之選。⦿鵝肝壽司鵝肝掃上醬汁經過火焰,表面更焦香,口感綿滑,一啲都唔腥,配上蔥絲,飯糰沾上芝麻,口味層次豐富。⊙串燒⦿鹽燒牛舌燒得熟度剛好,勝過出面好多串燒店,用鹽醃燒至焦香,爽彈有嚼勁,唧上檸檬汁更滋味,必食之選。⊙燒物⦿川燒珍寶鮮蠔燒剛剛燒好出嚟好有水準,蒜蓉釀滿成隻蠔嚟燒,好香蒜蓉味,蠔肉新鮮飽滿juicy,好鮮味,唔會燒到乾晒縮水,出面食川燒蠔價錢都唔平,無限encore之選。⦿極品金枕頭榴槤燒金枕頭都係任食太爽,燒後表面焦香,口感更creamy香甜,濃郁香味更突出,啱晒榴槤控。⦿西京燒比目魚西京醬漬醃魚肉,燒好後表面金黃,魚肉滑,魚油好香帶點淡淡的甘甜味。⧁一品料理⦿涼拌藤椒魚皮麻中帶清香嘅藤椒味,魚皮爽口惹味。⦿椰皇3.6牛乳燕窩燉蛋白用原隻椰皇燉,蛋白滑溜啖啖充滿奶香,仲有燕窩放面,感覺矜貴,食完都覺得美顏咗,啱晒女士們。⊙自助區有多款前菜、沙律、生果、熟凍蝦、青口、蜆、豉椒蒸鱔球、鹽水鴨⋯⋯⦿ D24蘇丹王榴槤蓉放題都有一整盤榴槤蓉任𢳂,當雪糕食,都幾瘋狂。⦿蟲草花膠雞湯味道清甜濃郁,足料有花膠,食得多刺身凍嘢,都會想飲碗熱湯。⦿飲品區一排雪櫃放滿飲品,款式多過便利店,汽水、茶類、自家製冷泡茶,亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、豆腐花、乳酪⋯⋯名牌雪糕雪條款式都唔少,自助軟雪糕機俾你自己唧軟雪糕。無漏單,上菜同執枱有效率,埋單$268/ 1位,呢個價錢呢種質素,性價比極高,食得好滿足,飽到扶牆走,想食最好預先book定位。#極尚大瀛喜日本料理地址:觀塘觀塘道414號1亞太中心5樓 continue reading
(The above review is the personal opinion of a user which does not represent OpenRice's point of view.)
🚇觀塘呢間極尚大瀛喜🏯十分之大,地方闊落食物款式又多又🤩抵食,而且仲有榴槤蓉同埋🔥烤榴槤任食添!💪自助區有好多唔同嘅前菜、🥗沙律、熟食同埋湯品🥣,我尤其鍾意豉椒蒸鱔球、香滑嘅🐟酸菜魚同埋味道濃郁嘅D24蘇丹王😍榴槤蓉!🧃飲品方面除咗一般嘅放題🥤飲品之外,仲有清酒🍶、梅酒同埋多款罐裝🍺啤酒。刺身同埋壽司🍣當然係食日式放題嘅重點👍,除咗有磯煮凍鮑魚、🦀松葉蟹腳、吞拿魚刺身🔪等嘅矜貴食材,仲有松露柚子醋🐟池魚王、紋甲墨魚拼白蝦🦐雙色刺身花朵同埋魚籽柚子🐟醋鰺魚刺身等嘅創意刺身款式。個人十分推薦🥰藍鰭拖羅壽司🍣,肥美甘香好啱我😋口味。另外🇫🇷法式紅酒藍莓🪿鵝肝同埋黑松露溏心蛋🥚都係必食嘅前菜!川燒🌶️珍寶鮮蠔燒十分之肥美飽滿🦪又惹味,極品金枕頭榴蓮🔥燒更加係榴槤愛好者😍絕對唔可以放過嘅單品!金蒜蓉粉絲蒸♨️扇貝保持到水準,一品🦀蟹粉扒豆苗同埋蒜蓉🧈牛油蘆筍炒雜菌🍄我係第一次食,十分之有🤩驚喜。甜品有用原個🥥椰皇製作嘅3.6牛乳🥛燕窩燉蛋白,味道香甜好🥰滋補,另外有 Häagen-Dazs 🍨任食亦令我十分之🤤滿意。 continue reading
(The above review is the personal opinion of a user which does not represent OpenRice's point of view.)
Level4 2024-07-08
0 views
♥️極尚大瀛喜日本料理 (觀塘)呢間放題朋友話好多選擇 仲要有榴槤蓉任食榴槤控嘅我緊係要黎試吓😋🌟自助區有多款前菜、水果、熱盤,連湯同埋甜品都有,唔少得嘅仲有D24榴槤蓉😆滿滿一大兜 我一坐低已經忍唔住食翻碗 好香甜好濃榴槤味🥰🌟飲品除咗汽水、茶飲外 亦提供梅酒同啤酒 連飲品都好多款~🐟刺身當中比較特別有磯煮凍鮑魚、松葉蟹腳、吞拿魚刺身♥️♥️整體新鮮肥美 個人最喜歡三文魚同油甘魚創新啲嘅有松露柚子醋池魚王、紋甲墨魚拼白蝦雙色刺身花朵🌟超中意食榴槤嘅我見到menu上有榴蓮王 入口香甜軟滑 encore左2次😆😆黃金蒜蓉粉絲蒸扇貝好好味 🤤有水準🦀海膽蟹粉蟹肉粥已經食到好飽但朋友話想試吓估唔到又幾鮮味 唔會好淡 我地食到咁飽都覺得好好食🤣🍨甜品有3.6牛乳燕窩燉蛋白,唔會好甜岩岩好,食到飽飽都拎翻杯Häagen-Dazs食😆 continue reading
(The above review is the personal opinion of a user which does not represent OpenRice's point of view.)
無錯,我前排又去食放題了! ❣️觀塘呢間放題每隔一段時間就有新款式,所以成日去都唔怕悶!不過想去記得book位,都比較旺場!❣️好難得價錢唔貴,但又可以任食海膽手卷、toro、厚切鵝肝等,超級豐富!(當然不能expect係超級高水準,但個人覺得價錢同質素真係幾高CP!)▪️刺身類▪️-原隻帶子刺身係必食!鮮甜彈口,成粒成粒食好過癮-拖攞雖然有少少根,但都入口即溶,過下口癮唔錯-北寄貝甜甜地,厚切幾新鮮-另外仲有任食鮑魚,彈口入味🐟松露池魚係獨立一碟上,晶瑩剔透,彈口新鮮,encore之選!▪️壽司手卷類▪️-三文魚腩壽司滿滿油脂香,另外仲有花之戀都幾有水準。海膽手卷雖然水準一般,但係無限食海膽之選!- 筋子壽司啖啖魚子,好juicy。另外仲有大魚子手卷,啖啖滿足。 ▪️其他必點▪️-厚切鵝肝多士:鵝肝肥美juicy,配上脆麵包,口感好好-法式香草燒羊架:嫩滑juicy肉質,燒得香口又唔蘇-炸鱔:脆脆的 ,鱔肉厚身又有油脂香-燉奶:好滑身,難得地甜度適中▪️自助區▪️- 榴蓮蓉任食,好香口得來甜度適中- 仲有任食Häagen-Dazs,超易回本- 鍾意食點心的可以食蝦餃、燒賣已經長期係我favourite list~ continue reading
(The above review is the personal opinion of a user which does not represent OpenRice's point of view.)
Level1 2024-06-28
0 views
食過咁多間放題最鍾意食呢一間特別係鍾意食榴槤嘅唔好錯過😂烤榴槤好好食,榴槤超香,而且上枱嘅時候仲係熱辣辣嘅😗出面仲有榴槤蓉可以任加可以自己自製榴槤蓉雪糕😈叫刺身嘅數量都上得好準 唔會多咗或者少咗 呢個位值得讚👍🏻而且刺身都好新鮮 三文魚好肥美😼而且呢度竟然有鵝肝 但係係慢煮鵝肝 係一個新嘗試🤫仲有我鍾意食嘅乳鴿 上枱都係熱辣辣🫢總括嚟講性價比極高 會有下次😋😋😋 continue reading
(The above review is the personal opinion of a user which does not represent OpenRice's point of view.)