陳儀興尚潮樓 (太子道西)

Open Now

Now Closed

今日去開太子花墟，沿路見到間食潮州野既餐廳，看見門口既潮州野食，心絲絲下就入去試一試。一入去感覺裝修好有傳統風味樓底又高而且餐廳有2層非常寬敞。生醃膏蟹：生蟹係韓國就食過而香港就第一次，感覺都似韓國醬油蟹，醬汁有少少辣加上厚厚既蟹膏醃得入味，非常好食。滷水雙拼（大墨魚拼豬大腸）：大大塊黑魚爽口，豬大腸肥廋適中，食潮州菜不過缺少。梅汁炆豬手：豬手紋得好淋加上師父去骨加上酸酸地既梅汁炆得好入味，食落啖啖肉。老藥桔：味道有d似王老桔但多左一種話梅味，飲完喉嚨熱氣感覺全消。