Burgeroom (Fashion Walk)

Open Now

Now Closed

今次帶同另一好友Burger痴一齊去到銅鑼灣百德新街的「Burgeroom」大嘆漢堡，我哋二人無burger 不歡，Burgeroom係我哋必到的餐廳，因為漢堡都有很多選擇，食足一個月都唔怕。先來一個「大烤菇芝士牛肉漢堡」分享，牛肉十分夠份量，而且肉質彈牙，大烤菇very juicy, 芝士熔融到牛肉面上，非常香口。麵包都很香，加上新鮮生菜及番茄可令漢堡減輕油膩，口感非常好。「墨西哥辣椒芝士牛肉漢堡」好友喜歡辛辣味的漢堡，所以呢個墨西哥辣椒夠晒辛辣，惹味非常，愈食愈過癮。下午茶有「布里芝士餅配脆薯角」，布里芝士脆口滋味，炸薯角新鮮熱辣辣，不乾身仲有厚身的薯仔肉，非常惹味。另外「單骨雞翼配粗薯條」炸得乾身帶辣，口感層次豐富，食得令人非常過癮，愛雞翼的朋友一定會喜歡，粗薯條都好好味。飲品就點了蜜桃冰茶，桃味香甜，淡淡的紅茶香，這個也很不錯。