Burger Joys (君悅居)

Open Now

Now Closed

呢間都係朋友帶我去，試完之後一試難忘覺得好好食。我哋叫咗一個set同埋一個漢堡包。朋友叫咗個魚柳漢堡，味道相當之唔錯，個沙律醬汁同魚柳好夾，個魚柳又唔會淡茂茂冇味，而且都幾大塊。我好欣賞佢個包都整得好好食，個包有一定嘅厚度，又唔會太乾，好有麵包香，一啖真係食唔晒。我揀咗個牛肉漢堡，本身以為入面有芝士，點知原來佢冇。不過就算係咁都好好食，好crispy，第一次食到咁樣嘅牛肉漢堡，我覺得佢平時食到嘅更加好食，大家都不妨叫黎試吓。成個set仲有一杯飲品同埋薯條，不過我哋加錢upgrade咗做番薯條。其實我覺得幾好，估唔到佢哋有啤酒提供。個番薯條唔好睇佢好似好幼咁，估唔到佢入面有薯蓉，我鍾意就咁食，因為可以食到佢原味。食完之後真係覺得呢間值得推薦，所有嘢都好好食。