金華冰廳

Open Now

Now Closed

今日黎開旺角開工，去金華冰廳食番個下午茶是常識吧。 去到餐廳，見到勁多人排隊，等左一陣先入到去食。我叫左個菠蘿油(HKD 10)，炸雞脾 (HKD 20)同杯熱奶茶 (HKD 17)。 菠蘿油熱哄哄既，牛油俾個包既熱力變成溶溶地既狀態，一啖放入口既味道係筆墨都難以形容呀。 菠蘿包既皮又脆，整體黎講真係好味。 炸雞脾就炸得好香口，唔太油膩，食落去啖啖肉。 至於杯奶茶就非常香滑濃郁，奶味同茶香十分配搭。 本來我仲想叫多個西多士，不過個胃太細，唯有下次再食過啦。