Video
Read full review
2022-01-07
25 views
天氣凍咗，就想食一啲熱辣辣嘅嘢。朋友仔話想食蒸海鮮，仲話想試吓新野，貴價少少🤏嘅。咁踏入2022年，都想食返餐好嘅。朋友仔哇聽講呢一間蒸海鮮嘅質素唔錯，咁我同佢就一齊嚟試吓啦。冇諗過今日突然間宣布，兩日後晚市堂食就冇啦。咁我哋就講咗上尾班車去食呢一餐最後嘅堂食晚餐。圖一坐低，姐姐就介紹佢哋海鮮嘅來源。佢話因為呢度嘅老細同海鮮供應商好熟，可以攞到不同嘅貨源又新鮮、有獨特。佢介紹我哋食呢個399嘅餐，加幾十蚊有埋個粥底。呢個價都係我哋心目中嘅budget，作為第一次試呢一間舖頭，係一個中價嘅位置。同好多蒸海鮮嘅舖頭一樣，都係有職員幫手將海鮮放入去喎，然後計時間征。姐姐好熟手，一路介紹每一樣海鮮嘅來源同埋特點，一路幫我哋蒸海鮮。姐姐話味道係由淡至濃，咁就可以食出海鮮嘅鮮味。順序如下：深海海星斑🐟越南大虎蝦🦐台灣九孔鮑魚🦪韓國慶南珍珠蠔🦪紐西蘭刀貝蚌🐚紐西蘭月亮貝🐚大西洋野生青口🐚澳洲青年龍蝦🦞罕有大黃奄蟹🦀有機蔬菜籃🥬粥🥣佢都唔建議我哋落豉油，因為本身海鮮已經係好鮮甜，豉油會cover左海鮮嘅鮮味。我同朋友仔嘅食後感，我覺得所有海鮮都非常之新鮮。同一般嘅蒸海鮮舖頭係真係唔同。所有嘅海鮮，尤其
冇諗過今日突然間宣布，兩日後晚市堂食就冇啦。咁我哋就講咗上尾班車去食呢一餐最後嘅堂食晚餐。
圖一坐低，姐姐就介紹佢哋海鮮嘅來源。佢話因為呢度嘅老細同海鮮供應商好熟，可以攞到不同嘅貨源又新鮮、有獨特。佢介紹我哋食呢個399嘅餐，加幾十蚊有埋個粥底。呢個價都係我哋心目中嘅budget，作為第一次試呢一間舖頭，係一個中價嘅位置。
同好多蒸海鮮嘅舖頭一樣，都係有職員幫手將海鮮放入去喎，然後計時間征。姐姐好熟手，一路介紹每一樣海鮮嘅來源同埋特點，一路幫我哋蒸海鮮。姐姐話味道係由淡至濃，咁就可以食出海鮮嘅鮮味。順序如下：
深海海星斑🐟
越南大虎蝦🦐
台灣九孔鮑魚🦪
韓國慶南珍珠蠔🦪
紐西蘭刀貝蚌🐚
紐西蘭月亮貝🐚
大西洋野生青口🐚
澳洲青年龍蝦🦞
罕有大黃奄蟹🦀
有機蔬菜籃🥬
粥🥣
佢都唔建議我哋落豉油，因為本身海鮮已經係好鮮甜，豉油會cover左海鮮嘅鮮味。我同朋友仔嘅食後感，我覺得所有海鮮都非常之新鮮。同一般嘅蒸海鮮舖頭係真係唔同。所有嘅海鮮，尤其係貝殼類，佢哋都相當Juicy。一咬落去就覺得好幸福，鮮甜嘅海水味充滿成個口腔，而且肉質非常彈牙，整個感覺非常之好。
店舖姐姐推介，最好食係青口。但我自己就認為係貝殼類，尤其係月亮貝。另外，澳洲青年龍蝦我都好欣賞，因為佢夠大隻，啖啖肉，而且真係好青年因為非常幼嫩😂😂。
平時食蒸海鮮，就會覺得個肚有啲空虛。雖然放咗好多海鮮落口，但冇粒米落肚就有啲寡。食埋個粥就非常完美。本身個粥底係有豬骨同埋芋頭粟米，係一個咸骨粥，加埋蒸海鮮嘅海水精華，成個粥perfect，尤其係而家咁凍食完真係暖在心頭。後尾姐姐端出糖水，係椰汁燉官燕。為呢個蒸海鮮嘅一餐完美落幕。
總結，我認為我如果大家想食有質素嘅海鮮，呢一間係唔錯嘅選擇。399來講，有呢個質素嘅海鮮真係非常之相宜。想食好啲，大家就可以試吓啦。
Post
