Video
Read full review
2008-09-01
11 views
由於女友生日,早於個幾月已預訂這人氣自助餐,於29/8預付時(因友人又儲簽賬額換禮品)所以可打探吓先,合格的酒店服務,有人為你開門(因有遇過別的要自已開),進門後直行幾步向右看已見到Yamm! 可能時間太早(12:00前),眼見只得幾檯客人,但平日唔奇啦!職員辦理手續時快捷又態度好,離開前自行參觀吓先,環境算寬敞而座位又唔算多,食物就冇咩留意喇!因知道午,晚餐定有分別,但並不如有些食評說冇蠔,而通往厠所的通道有自動門都幾特別. 到正日31/8,由於想安座梳化位,所以17:40已到咗(當然預訂時要聲明在先,唔係真係早去都未必有),但可能早咗關係服務員未準備好,座落梳化時竟有麵包屑(因此我服務,環境,衛生評分都只俾4分),但唔係咁其實可滿分,坐落好舒適,雖然九成幾滿但環境算清靜,職員態度茵勤,有笑容換碟又快. 人頭成$500位(未計加一),自然對食物抱有好大期望,首先已無硬消要收費嘅水,服務員會主動倒滿水杯,又會不停添飲,加上每位有一杯餐茶(coffee or tea),基本上不用另外order收費飲品,但我倆一向對水麻麻,加上成三
可能時間太早(12:00前),眼見只得幾檯客人,但平日唔奇啦!職員辦理手續時快捷又態度好,離開前自行參觀吓先,環境算寬敞而座位又唔算多,食物就冇咩留意喇!因知道午,晚餐定有分別,但並不如有些食評說冇蠔,而通往厠所的通道有自動門都幾特別.
到正日31/8,由於想安座梳化位,所以17:40已到咗(當然預訂時要聲明在先,唔係真係早去都未必有),但可能早咗關係服務員未準備好,座落梳化時竟有麵包屑(因此我服務,環境,衛生評分都只俾4分),但唔係咁其實可滿分,坐落好舒適,雖然九成幾滿但環境算清靜,職員態度茵勤,有笑容換碟又快.
人頭成$500位(未計加一),自然對食物抱有好大期望,首先已無硬消要收費嘅水,服務員會主動倒滿水杯,又會不停添飲,加上每位有一杯餐茶(coffee or tea),基本上不用另外order收費飲品,但我倆一向對水麻麻,加上成三個鐘咁耐,所以各自order一杯(一般飲品$40~$60)
食物屬半自助,(刺身壽司8~9款,卷物3~4款,天婦羅5~6款,鐵板燒5~6款,爐端燒5~6款,湯麵1款)以上要order,若無表明要幾多,只會每人一至兩件,其實同芳間啲日式任食款式差不多.刺身當然新鮮甜美一點,尤其海膽,但吞拿都係有根,仲無咗我喜愛嘅赤貝.壽司無order,只order吞拿魚卷(忘了正名)都ok.天婦羅,鐵板燒,爐端燒只係一般般.湯麵無order.另有四選一廚師精選,但已無咗三文魚,變咗魔鬼魚,其餘三樣有牛柳,龍蝦和忘記了,order咗牛柳和龍蝦,一口份量,但味道只得龍蝦較佳
自助方面當然目標喺海鮮類,有龍蝦仔,青口,中蝦,甜螺,蟹腳.龍蝦仔一開二都好大啖肉,每邊有男生中指咁上下,肉質鮮甜.青口唔係大隻而味道一般.中蝦無試.甜螺大隻爽甜好好味,最後蟹腳真係大啖肉,唔係出面嗰啲蟹爪,但好味與否見仁見智,因女友話太咸,但都食咗三條,而我就哈哈......另一目標當然係生蠔,但當晚只得兩款,唔係大隻但肉質算爽甜,只係美中不足不能做到即叫即開.
其餘本係重要一角黑毛豬火腿,不太懂欣賞,口感像薄薄豬肉乾再加一層油.但其他熱食,甜品,蛋糕,雪糕都無咩試,有點可惜,因太飽了.只試了雪糕,得兩款眼見應係雲呢嗱和朱古力,但白色嘅係有薑汁味,不好此味的事前問清楚至好.
總結,一向食開日式任食放題的會否因想食龍蝦仔,甜螺,蟹腳,海膽,生蠔而多付四百幾,而在其他一般自助餐食開會否因龍蝦仔,蟹腳大隻和刺身較多幾款而多付二百幾,請自行定奪
Post