滿樂中菜 (Closed)

今日朋友約咗我喺尖沙咀戲曲中心等，話帶我去食好嘢。最初以為去海港城，之後先知道戲曲中心裏面有間充滿中國藝術色彩嘅「滿樂中菜」意為「滿心快樂」。餐廳以大自然嘅綠色為主，連餐具都係一致。餐廳門口放咗有大廚合著嘅書「潮養廚樂」，相信呢餐飯嘅品質應該有保證。椒鹽九肚魚九肚魚外層金黃鬆脆，因為炸粉夠薄身，所以感覺不油膩，九肚魚肉身亦都十分嫩滑。避風塘炒鱔球炸蒜做得很脆口，香辣味帶出鱔嘅鮮味，白鱔球切得超厚身，啖啖肉，真係食唔停口。和美香橙排骨大大嚿嘅排骨，肉質肥瘦適中，外層沾上鮮 橙醬汁，食落感覺清甜，外脆內嫩。金瑤豉油王炒麵識落麵質夠彈牙，食到豉油嘅香味，而且鑊氣十足，在撈上金瑤柱一齊食，味道相輔相成。桂花糕桂花糕裏面加上龍眼肉和杞子，味道清甜，令之前食物嘅熱氣全消。