至尊滿屋日本料理 (Closed)

日式放題邊度好，我最喜歡旺角瓊華中心的至尊滿屋日本料理，點解我會咁講，因為食物款式多，上菜又快，味道又好，呢間日式放題已成為我同朋友嘅食堂。首先每均消費2百蚊左右，食物選擇種類都超過幾百款，有刺身、壽司、手捲、串燒、沙律、小食、炸物、湯、甜品、特色飲品、粥粉麵飯、樣樣都有。仲要冇漏單問題，點幾多出幾多，真係可以講得上快、靚、正。飲品選擇超多，飲料櫃任你自己去拎，有啤酒氣水樣樣有，仲有清酒必飲，自助式任取，真係琳瑯滿目，應有盡有，總有一樣你一定會喜歡。刺身款式多，人氣甜蝦，必食大赤蝦，新食物黃金翡翠螺， 油甘魚，鮑魚片，三文魚及吞拿魚都好新鮮，同埋北海道帶子刺身都好好食。味道方面，新鮮魚生鮮甜美味，炸物熱到飆煙，外面脆卜卜，裡面熱香軟，不油膩。我最愛榴槤炸彈，超。級。美。味。好仲一連食咗3次，好正，榴槤嘅香味連對面同隔離枱都聞到，食到好開心，必食之選。海膽手捲我都 encore 過幾次，因為真係超新鮮，份量又剛好，唔會食到飽飽滯滯，仲有 龍蝦沙律手捲及芝士飛魚子手捲都不錯，值得去食。和風料理，我推介日式牛乳廣島蠔鍋，有3隻肥美的蠔，蔬菜份量十足，湯底又夠甜，正呀～一品料理， 馬拉盞炒芥蘭