良記餐廳(老鳳冰室) (Closed)

身為滑蛋控，聽人講到咁好食，梗係要試吓老鳳冰室嘅黑松露滑蛋多士！坦白講，滑蛋係好食，但只算中上水平，未到出色。佢勝在唔孤寒，落好多黑松露，令滑蛋嘅香味同味道提升幾個層次。我個人認為最驚喜嘅係片多士，火爐啱啱好、非常鬆脆，再焗多一陣就燶，咁鬆脆嘅多士配軟綿綿嘅滑蛋，口感簡直一流！ 餐飲加3蚊飲凍奶茶，奶味好濃好香，茶亦沖得好滑，算係一杯水準頗高的餐飲。埋單41蚊，性價比唔錯。 餐廳裝潢方面，鍾意佢夠鬼馬。由裝修、餐具以至張餐巾，都好多玩嘢金句；枱櫈亦算闊落，坐得幾舒服。阿姐友善，服務幾滿意！