Video
Read full review
2024-03-28
35 views
朋友喺灣仔住，今晚約佢食飯，佢就提議嚟呢度食飯敘舊。見到有限定拉麵，係帶子鰹魚湯車雞胸拉麵 $108，咁梗係二話揀呢個 。上菜見到實物，果然真材實料，連糖心蛋都係俾完整一隻開邊我哋，帆立貝都有兩粒，仲有好多配料，例如鰹魚碎、紫洋蔥碎、青蔥、筍片、木耳絲等等⋯⋯裏面軟硬度適中，雞胸肉亦都好嫩口，熟到啱啱好，有埋鰹魚碎帶出帆立貝同埋個湯底嘅鮮甜，完美！朋友叫咗個鰻魚丼飯 $98又係一碗好足料嘅丼飯，睇落就知係用日本米，最正既鰻魚係新鮮燒起嘅，幫我哋切埋一嚿嚿，厚薄均勻，仲會脆邊嘅，仲有陣炭燒味，又有一隻足料嘅開邊糖心蛋，有啲椰菜伴碗，仲有我最愛嘅蔥花灑面，令到整碗丼飯香氣滿溢！小食我哋叫咗兩款：冷豆腐$32 和 和風餃子 $38冷豆腐切得厚度適中，有足够嘅汁同豆腐做調味，面上亦都有啲芝麻粒、蔥花、同木魚花，整體好清新、好開胃。和風餃子超級正！唔係普通就咁煎，而係個餃子底整咗層薄脆咁去煎。個薄煎非常非常薄脆，口感一流！我自己就用咗枱面嘅辣椒油點咗一兩滴同個餃子一齊食，辣辣地又幾野味喎！環境坐得幾舒服、乾淨企理。餐牌都好整齊乾淨，我哋揭嘅時候唔會油淋淋，服務員都好殷勤有禮貌，會主動嚟添下茶、幫
見到有限定拉麵，係帶子鰹魚湯車雞胸拉麵 $108，咁梗係二話揀呢個 。上菜見到實物，果然真材實料，連糖心蛋都係俾完整一隻開邊我哋，帆立貝都有兩粒，仲有好多配料，例如鰹魚碎、紫洋蔥碎、青蔥、筍片、木耳絲等等⋯⋯裏面軟硬度適中，雞胸肉亦都好嫩口，熟到啱啱好，有埋鰹魚碎帶出帆立貝同埋個湯底嘅鮮甜，完美！
朋友叫咗個鰻魚丼飯 $98
又係一碗好足料嘅丼飯，睇落就知係用日本米，最正既鰻魚係新鮮燒起嘅，幫我哋切埋一嚿嚿，厚薄均勻，仲會脆邊嘅，仲有陣炭燒味，又有一隻足料嘅開邊糖心蛋，有啲椰菜伴碗，仲有我最愛嘅蔥花灑面，令到整碗丼飯香氣滿溢！
小食我哋叫咗兩款：
冷豆腐$32 和 和風餃子 $38
冷豆腐切得厚度適中，有足够嘅汁同豆腐做調味，面上亦都有啲芝麻粒、蔥花、同木魚花，整體好清新、好開胃。
和風餃子超級正！唔係普通就咁煎，而係個餃子底整咗層薄脆咁去煎。個薄煎非常非常薄脆，口感一流！我自己就用咗枱面嘅辣椒油點咗一兩滴同個餃子一齊食，辣辣地又幾野味喎！
環境坐得幾舒服、乾淨企理。餐牌都好整齊乾淨，我哋揭嘅時候唔會油淋淋，服務員都好殷勤有禮貌，會主動嚟添下茶、幫我哋收吓嘢，聽我個朋友講話呢間其實喺度開咗好多年，睇得出呢間小店係有心經營嘅，好喜歡佢地有期間限定嘅拉麵，夠曬新鮮感。
冷豆腐
1 views
0 likes
0 comments
和風餃子
2 views
0 likes
0 comments
0 views
0 likes
0 comments
帶子鰹魚湯赤雞胸拉麵（期間限定）
0 views
0 likes
0 comments
0 views
0 likes
0 comments
鰻魚丼
1 views
0 likes
0 comments
煎茶
1 views
0 likes
0 comments
Post
