至尊滿屋日本料理 (Closed)

今晚做冬，當然要食好d啦～ 決定去食放題，至尊滿屋喺瓊華中心，好方便就腳～ 好彩一早book咗位，真係好full 好多人呀，去到都要等一陣先有位～ 坐低即刻落車叫嘢食，食物上菜速度幾快，壽司刺身好快到，件數準確，刺身味道唔錯，冇雪味，三文魚、油甘魚、帶子都好好味～ 壽司款式算多，火炙左口魚背壽司好滑好好味，火炙原條鰻魚壽司原條上好正～ 蘆薈沙律好多蘆薈粒，唔錯～ 北海道焗廣島蠔係有煙肉粒同沙律醬一齊焗，幾惹味～ 鹽燒牛舌好腍好味呀😋 燒雞泡魚乾好香，好有咬口～ 燒羊鞍都唔錯，肉嫩有香草味唔羶～ 芝士竹輪卷，咬開有流心芝士嫁～ 虎蝦天婦羅外脆，蝦肉爽口～ 炸物都唔錯，芝麻雞翼皮脆肉嫩，香口好味，炸芝心香芋丸同榴榴蓮炸彈都係，即炸，流心好好味～ 最正係每人有一杯 Haagen-Dazs或者movenpick雪糕，我地揀咗 Haagen-Dazs 新口味，北海道紅豆麻糬味呀😍正👍🏻 完美作結😆