Video
Read full review
2018-06-29
78 views
係荃灣剪完頭髮，時間差不多2點，同行朋友話肚餓，我地就四圍睇下有咩好野食，同一條街都有唔少美食店，而呢一間唔算大嘅冰室坐滿左客人，同行友人亦都話佢試過呢間冰室，味道唔錯，所以我地就決定係呢間店醫肚!好彩個時已是午餐時間的尾聲，所以等侍應執一執枱我地就即刻有位坐了。店面都幾整潔，牆上有小小裝飾，整體上幾可愛。我地睇左餐牌一陣，決定叫一個蕃茄濃湯通粉配牛乳炒蛋加吉列豬排同一個下午茶餐瑞士雞翼配薯角。呢度嘅下午茶餐２點就可以叫，價錢公道。蕃茄濃湯通粉配牛乳炒蛋好快就到，蕃茄濃湯偏酸，有蕃茄蓉係湯入面，通粉入面充滿左湯汁，好食～個蛋都好軟滑但唔多，鍾意炒蛋嘅朋友仔加埋呢度嘅炒蛋治應該先會滿足。由於我好鍾意食炸豬排，所以我就冇叫到蛋治。吉列豬排好脆，呢度係成塊完整上，可能keep到熱d?豬排好淋，吉列皮脆得洽好，唯一嘅問題係隻碟太細，切豬排個時D沙拉菜好易跌出個碟。因為我同友人太餓，忍唔到口，所以只影到已經冇左幾啖嘅成個餐係咩樣...另外，瑞士雞翼係全翼，好入味，好好食，但食嘅時候要小心D汁，同埋最好唔好係男朋友前食，同朋友黎就冇所謂啦~薯角係新鮮炸起，好食，唔油。最後呢杯菠蘿冰係因為見到牆上裝
店面都幾整潔，牆上有小小裝飾，整體上幾可愛。
我地睇左餐牌一陣，決定叫一個蕃茄濃湯通粉配牛乳炒蛋加吉列豬排同一個下午茶餐瑞士雞翼配薯角。呢度嘅下午茶餐２點就可以叫，價錢公道。
蕃茄濃湯通粉配牛乳炒蛋好快就到，蕃茄濃湯偏酸，有蕃茄蓉係湯入面，通粉入面充滿左湯汁，好食～個蛋都好軟滑但唔多，鍾意炒蛋嘅朋友仔加埋呢度嘅炒蛋治應該先會滿足。由於我好鍾意食炸豬排，所以我就冇叫到蛋治。
吉列豬排好脆，呢度係成塊完整上，可能keep到熱d?豬排好淋，吉列皮脆得洽好，唯一嘅問題係隻碟太細，切豬排個時D沙拉菜好易跌出個碟。
因為我同友人太餓，忍唔到口，所以只影到已經冇左幾啖嘅成個餐係咩樣...
另外，瑞士雞翼係全翼，好入味，好好食，但食嘅時候要小心D汁，同埋最好唔好係男朋友前食，同朋友黎就冇所謂啦~薯角係新鮮炸起，好食，唔油。
最後呢杯菠蘿冰係因為見到牆上裝飾而叫嘅，十分多菠蘿，成杯飲品簡直用盡全力同你講佢係用菠蘿做嘅，唔太甜，好飲。
總體而言呢度嘅食物幾好，服務方面都OK，落單嘅姐姐好趕，但另一個姐姐見我地同人share卡位好逼，係有空位個時就叫左我地搬去大枱~下次會再黎試下其他野食。
Post
