勝香園

Open Now

Now Closed

今日有事做去左中環附近，上網搵搵睇睇有咩好食，就見到好多人推薦勝香園。自己未試過呢種舊式開放大排檔feel既餐廳，再加上見到佢蕃茄好出名，於是一見到就決定試下。過左lunch hour黎到所以唔洗等位就有得坐，睇睇menu有唔同麵既款式，自己叫左蕃茄雞味通粉，男朋友叫左蕃茄牛麵。湯底紅卜卜有好多番茄蓉，酸酸甜甜味道好開胃，佢應該係用新鮮蕃茄所以怕酸既朋友可能會覺得唔係好喜歡。雞肉就正正常常都幾多舊，通粉亦都唔錯，如果份量大碗d就更加好🤤另外叫左個牛油檸檬汁蜜糖脆脆，但唔記得左影相，個麵包好鬆脆配蜜糖好香好夾，不過價錢就唔算特別平。建議一上菜食左個包先如果唔係凍左無咁好食🙆‍♀️整體黎講食物質素都唔錯，環境係傳統大排檔式，想體會下香港地道野食同氣氛都可以黎試下。