Read full review
2021-05-31
1749 views
五月頭去左九龍香格里拉大酒店Staycation，等我地五月尾黎返個港島香格里拉大酒店Staycation先！呢個酒店Staycation package包24小時住宿體驗（適用於周五至日及公眾假期之退房）加二人早餐同$1000酒店消費額，總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客，不過Staycation都係第一次，所以今次係第一次係Cafe TOO食自助早餐。Check in 嘅時候已經見到早餐係要預約，而用餐只得一個小時，真係晴天霹靂！約左8－9點，遲左少少入場佢哋都真係計足一個鐘就叫你交枱，老實講真係唔多夠時間食，可能要好似Conrad咁分三個場俾人食會好啲。講返食物，一齊睇下有咩食啦！一入門口就見到自助午餐嘅沙律吧變咗生果區。同自助午餐一樣，生果分好一杯杯切粒，主要係火龍果，西瓜同哈蜜瓜。見到少有既雜果加黑莓，係限量架，質素正常！我地食左好多杯！生果區隔離就係果汁牛奶自由斟，有西柚汁，橙汁同西瓜汁。牛奶就得一種，唔似Cafe Kool熱奶同凍奶都有。果汁牛奶隔離就係卷物，芝士拼盤同蕎麥麵。芝士有四款，分別係Comte Ao
Check in 嘅時候已經見到早餐係要預約，而用餐只得一個小時，真係晴天霹靂！約左8－9點，遲左少少入場佢哋都真係計足一個鐘就叫你交枱，老實講真係唔多夠時間食，可能要好似Conrad咁分三個場俾人食會好啲。
講返食物，一齊睇下有咩食啦！
生果杯
79 views
1 likes
0 comments
一入門口就見到自助午餐嘅沙律吧變咗生果區。
生果杯
47 views
0 likes
0 comments
同自助午餐一樣，生果分好一杯杯切粒，主要係火龍果，西瓜同哈蜜瓜。見到少有既雜果加黑莓，係限量架，質素正常！我地食左好多杯！
生果區隔離就係果汁牛奶自由斟，有西柚汁，橙汁同西瓜汁。牛奶就得一種，唔似Cafe Kool熱奶同凍奶都有。
果汁牛奶隔離就係卷物，芝士拼盤同蕎麥麵。芝士有四款，分別係Comte Aop，Emmental，Boursin Garlic，Camembert。試左Camembert，係正常。
凍肉，乳酪，凍麥皮同沙律
55 views
0 likes
0 comments
再隔離就係凍肉，乳酪同沙律。凍肉係兩款火腿，已經放好一兜兜。乳酪牌子有雀巢同明治，味道係大路選擇，獨立包裝，方便衛生過Cafe Kool。好欣賞呢度有雀巢乳酪飲品，有雜莓同芒果蘋果味，正！仲有兩款益力多！乳酪飲品下面係一碗碗既凍麥皮，味道唔錯。
沙律係一兜兜分好既新鮮沙律菜。沙律醬有三款。沙律選擇少得可憐！
點心區
43 views
0 likes
0 comments
去返餐廳入口另一面就係點心區。點心種類好多，有蝦餃，燒賣，素餃，豬肉蒸餃，蓮蓉包，馬拉糕。連臘味飯同白飯都有。
素餃，蝦餃，燒賣，馬拉糕，煎餅，巴東牛肉
42 views
0 likes
0 comments
蝦餃個饀鮮甜爽脆，塊皮就稍為厚左少少。燒賣都皮薄饀靚。素餃個皮係滑既，不過太厚。豬肉蒸餃尋日食過就唔敢再試。馬拉糕正常。
中式區
42 views
0 likes
0 comments
點心區接住落就係中式區。中式區有參巴三文魚，家鄉銀針粉，炸雲吞，蒜子浸時蔬，XO醬蘿蔔糕，紫菜蛋花海鮮羹，算幾豐富！試過參巴三文魚都幾香脆，不過有d鹹。XO醬蘿蔔糕外脆内軟，味道好。
奄列雞蛋
39 views
0 likes
0 comments
中式區接住落就係奄列同雞蛋。奄列有九宮格配料比你揀，有火腿，芝士，洋蔥，燈籠椒，車厘茄，菠菜等等。你亦都可以要班尼迪蛋，煎蛋等等，或者自己夾整好既煎蛋同水煮蛋。
奄列
50 views
0 likes
0 comments
值得一提係自選鷄蛋你揀左材料之後拎個號碼牌返位，之後就有專人送過黎比你，唔洗等！我揀左芝士，洋蔥，車厘茄奄列，奄列有好多芝士，好邪惡！
西式區
34 views
0 likes
0 comments
西式區
37 views
0 likes
0 comments
接住落就係西式區。西式早餐有蘆筍番茄蛋餅，煙肉，豬肉腸，雞肉腸，扒蕃茄，炒時令蔬菜，焗豆，熱麥片，薯餅。
炒時令蔬菜，薯餅，扒蕃茄，XO醬蘿蔔糕，參巴三文魚
30 views
1 likes
0 comments
炒時令蔬菜有長豆同菇粒，味道好好。薯餅香脆好味。
跟住就到粉麵檔，好似同午餐既粉麵檔差唔多。我午餐時候就無試，而家就可以試試，唔洗等好耐。粉麵檔肉類配料有芝士丸，魚蛋，魚片，魚柳，鮮蝦，魚皮餃。蔬菜配料有菜心，油麥菜，菠菜，唐生菜，銀芽。麵條都有幾款揀，有粗麵，幼生麵等四款。湯底有豬骨湯底同雞肉湯底。
鮮蝦魚蛋菠菜粗麵
31 views
0 likes
0 comments
要左碗鮮蝦魚蛋菠菜粗麵。鮮蝦超新鮮爽脆，魚蛋可以，粗麵又滑又有蛋香，浸湯浸耐左都食得。豬骨湯底味道則太淡。
鮮蝦魚蛋魚片唐生菜幼生麵
36 views
0 likes
0 comments
再encore一碗鮮蝦魚蛋魚片唐生菜幼生麵。呢個幼生麵就唔得，太淋！
即製粥檔
37 views
0 likes
0 comments
即製粥檔有生雞肉，生牛肉，生豬肉，生魚片，生魷魚，生海蝦比你揀，好豐富。油條係隔離比你攞。
生牛肉粥
26 views
0 likes
0 comments
試左生牛肉粥，都唔錯。同行家人又encore左一碗。
唔想等有白粥，雞粥，熱豆漿自己攞。
印度區
37 views
0 likes
0 comments
印度區平時好少試，今次一試驚喜！印度食物有梛汁飯，肉骨茶，巴東牛肉，菜咖哩，春卷，炸雞，煎餅。呢度選擇多過Cafe Kool。巴東牛肉都算淋又入味，煎餅非常香脆，點巴東牛肉既汁好好味！肉骨茶我既同行家人encore左一次。
跟住返黎餐廳中間既穀物區。穀物有四款，包括瑞士營養麥，可可脆片，粟米片，全麥維。另外有名貴胡桃仁，南瓜籽同無花果乾，西梅乾自己加落早餐殼物度。
然後到五星級酒店既招牌麵包糕點！麵包有好多選擇。有Almond Croissant，Soft Roll，Hazelnut Bun。
有Croissant，waffle，pancake等。
麵包
39 views
0 likes
0 comments
麵包糕點仲有三款Doughnut，三款Muffin，Raisins Danish，Chocolate Croissant，Quiche，Marble Cake等等。
Doughnut
24 views
0 likes
0 comments
自助早餐有Doughnut真係少見。呢款士多啤梨果醬Doughnut我encore左一次，入面既士多啤梨果醬唔少，Doughnut軟綿綿，雖然滿布糖粉但係又唔過甜！
麵包糕點
30 views
0 likes
0 comments
朱古力Doughnut有朱古力面皮而入面係有超多香滑吉士醬。其他麵包糕點由我既同行家人分嗮！
仲有自己切既麵包同白方包等。牛油，果醬自己攞。
另外每人包一杯咖啡或茶。
比較近排食過既九龍香格里拉Cafe Kool同隔離港麗酒店Lobby Lounge既自助早餐，呢度絕對多野同好食過港麗酒店，而食品選擇好似稍稍好過Cafe Kool，而服務同等候時間又一定好過同短過Cafe Kool。不過都係個句，得一個鍾食絕對唔夠，係咪星期日先係架？只能比OK啦。
Post
