214
99
51
Exit F, Admiralty MTR Station continue reading
Telephone
28208571
Introduction
cafe TOO buffet offers international delicacies from all over the world. Some of their most sought after dishes include teppanyaki lobster, snow crab leg, brown crab, sashimi, authentic Thai salad, roasted US beef, double-boiled soup, xiao long bao and more. While dessert counter features 8 different ice cream flavours, pancakes, and soufflés. continue reading
Opening Hours
Today
12:00 - 15:00
18:30 - 22:00
Mon - Thu
12:00 - 14:30
18:30 - 22:00
Fri
12:00 - 14:30
17:30 - 22:00
Sat
12:00 - 15:00
17:30 - 22:00
Sun
12:00 - 15:00
18:30 - 22:00
Public Holiday
12:00 - 15:00
17:30 - 22:00
Public Holiday Eve
12:00 - 14:30
17:30 - 22:00
*Tea Buffet is suspended until further notice.
Payment Methods
Visa Master AlipayHK Cash AE UnionPay JCB WeChat Pay
Number of Seats
266
Other Info
Online Reservation
Restaurant Mode of Operation - Type C
Wi-Fi
Alcoholic Drinks
May Bring Your Own Wine Details
Parking Details
Phone Reservation
Reward Dining Points
Delivery
10% Service Charge
About Reward Scheme
Review (402)
sᴛᴀʏᴄᴀᴛɪᴏɴ ᴛɪᴍᴇ今次就去咗港島香格里拉酒店staycation係Klook book既呢個package好抵😆$2750兩個人,有海景房,30小時入住,自助早晚餐同外賣下午茶set😚 今次就先講下佢既自助晚餐先!自助晚餐涷海鮮方面都幾多選擇,有龍蝦、麵包蟹、青口、蜆、蟹腳🦞🦐🦀龍蝦都幾好味,第一次拎冇拎到有蟹,第二次就拎咗!記住要拎有蟹,因為佢已經折好哂肉,啖啖肉🤤蟹腳都唔錯,幾新鮮!壽司剌身都幾多選擇,三文魚甜蝦都唔錯,但係壽司就冇試到🤪沙律吧既位置都幾特別,仲有幾款溝好左既沙律都幾好食😋熱食方面,有燉湯係限時食物,不過都有好多!另外,中菜仲有蒸海鮮,鮑魚、賴尿蝦、東風螺、蜆同蟹都有!燒味都有,乳鴿味道唔錯🥰另外特別推薦黑松露意大利雲吞,好好味!牛扒唔太推薦,但係羊都唔錯,唔騷!仲有一個泰式同印度區,吵嗲串燒都幾好味,仲有四款咖喱🍛泰式食物前菜做得唔錯,熟食就不過不失😚生菜包豬肉都唔錯!最後就係甜品,款式都幾多,每樣細細件!仲有馬卡龍同haägen Dazs 雪糕🍦最推薦係朱古力同芝士撻,朱古力唔會太甜,好rich 朱古力味,至於芝士撻入邊係好似半熟芝士咁(⁎⁍̴̛ᴗ⁍̴̛⁎)超級推薦🌟睇返其他人喺呢一間餐廳食晚餐自助餐,喺疫情之前又未有優惠前好似比較豐富🥺不過整體來講其實都好多嘢食,海鮮都好夠多! continue reading
(The above review is the personal opinion of a user which does not represent OpenRice's point of view.)
五月頭去左九龍香格里拉大酒店Staycation,等我地五月尾黎返個港島香格里拉大酒店Staycation先!呢個酒店Staycation package包24小時住宿體驗(適用於周五至日及公眾假期之退房)加二人早餐同$1000酒店消費額,總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客,不過Staycation都係第一次。Cafe TOO係過去十年我最常黎既酒店自助餐餐廳之一,真係見證住呢度越做越退步。不過今次帶住小朋友,都係食自助餐好d,所以都係黎呢度食個lunch先check-in!一齊睇下有咩食啦!呢度d野食分好幾區。一入門口就見到呢個色彩繽紛既沙律吧。開頭仲以爲係display,之後先發現原來係食得既!不過上面個行真係display,下面個行先食得。沙律吧有好多唔同種類既新鮮沙律菜,亦有粟米,車厘茄,西蘭花,椰菜花,意式黃瓜等等,新鮮健康。沙律吧隔離都有d溝好左既沙律,例如烤南瓜沙律,豆角等。沙律醬有三款。仲有凱撒沙律。沙律區轉角就係魚生區。魚生只有四款,即北寄貝,金槍魚,三文魚,八爪魚,要等師傅切或者攞俾你。Cafe Kool都有五款啦!得北寄貝又大又新鮮,其他都麻麻地。唔怪得唔洗排隊。魚生區隔離就係壽司卷物同凍肉。煙熏三文魚有勁多,火腿有風乾火腿同義式肉腸。壽司無仔細望,卷物有青瓜壽司蛋卷,牛油果蝦卷,忌廉芝士腐皮卷,吞拿魚沙律醬卷。Cafe Kool都有少少日式前菜啦,呢度無。之後就到凍海鮮區。凍海鮮有蟹腳,麵包蟹,青口,黃金螺,鮮蝦。今次我無試到。凍海鮮區隔離就係位於角落既泰國區。泰國區食物以沙律爲主(Cafe Kool則以熱食為主),有青木瓜沙律,泰式鳳爪沙律,牛肉沙律,泰式豬肉碎沙律,泰式粉絲蝦沙律,粟米沙律,冬蔭功湯同蝦片。我試左青木瓜沙律,牛肉沙律同泰式粉絲蝦沙律,不過不失。去返餐廳入口另一面就係點心區。點心區比Cafe Kool既三款多好多,有蝦餃,燒賣,豬肉蒸餃,素餃,珍珠雞,豆沙包同馬拉糕。蝦餃個饀鮮甜爽脆,塊皮就稍為厚左少少。燒賣都皮薄饀靚。豬肉蒸餃就唔得,皮厚饀少。豆沙包個豆沙饀好食,不過包太多。點心區接住落就係中式區。中式區有XO醬牛鬆炒飯,金銀寸鮮魷蒸茄子,羅漢齌豆腐,蜜汁醬燒豬肋骨,京式干燒魚片。中湯係合桃蟲草花螺片煲唐排。Cafe Kool有中式前菜,呢度又無。不過中式熱食就好似比Cafe Kool稍稍名貴d。金銀寸鮮魷蒸茄子既鮮魷真係好新鮮。蜜汁醬燒豬肋骨既汁好味。京式干燒魚片幾特別又香口開胃,不過好多骨。中式區接住落就係西式區。首先有好好味既菠菜同薯仔。換菠菜出黎之前係番茄。西式區有專人即切烤牛肉同烤羊脾,另外仲有腸仔。烤牛肉同烤羊脾質素都唔錯,好嫩。其他西式食物仲有芝士通心粉,煎魚配紅花汁,慢烤豬里脊,焗茄子。西湯係忌廉蘑菇湯。選擇好少兼無名貴菜式。呢區臨尾仲有鹵水蛋,鹵水豆腐,燒鴨,叉燒同油雞。叉燒半肥瘦唔錯,燒鴨則太乾。隔離就係粉麵檔。粉麵檔肉類配料有豬肉丸,龍蝦丸,墨魚丸,魚皮餃,魚片。蔬菜配料有菜心,菠菜,油麥菜,唐生菜,銀芽,金菇。麵條都有幾款揀,有日本拉麵,油麵,瀨粉,新竹米粉。湯底有豬骨湯底同雞肉湯底,不過無Cafe Kool既叻沙。粉麵檔有個牌寫住蘭州拉麵,不過我懷疑好少人食。天婦羅區令人好失望,居然變左炸物區,得炸魚,炸薯角同黑松露巴馬臣芝士薯條。炸魚個皮麻麻地。失望!炸物區隔離就係燉湯,燉湯一點先開始供應。是日燉湯係准山杞子瘦肉燉雞,我飲左幾啖,真材實料味道正常。燉湯區隔離就係鐵板燒區。呢個係Cafe Kool無架,可惜只係日式大阪燒,完全唔吸引。同埋呢度唔見有Cafe Kool既專人即煮意粉。鐵板燒區隔離就係印度區。印度區有雞咖喱,牛肉咖喱,扁豆咖喱,天多利烤雞,免治羊肉串,印度烤餅。印度野唔係我杯茶所以都無試。至於我最最最重視既甜品區,其實係餐廳中間,擺出黎好吸引眼球,未食先興奮!不過無可否認,甜品選擇係少左勁多,以前淨係杯仔慕絲或者啫喱都有多過一款揀,而家全部甜品都只係得十幾款揀,有薄荷青檸白朱古力,黑朱古力車厘子,梛子芒果,白朱古力紅莓,白朱古力青蘋果,芝士餅,荔枝紅桑子,楓糖黑加侖子,櫻花白朱古力慕絲。不過好在質素都仲叫保持到,基本上樣樣都好食,有層次又唔會過甜。芝士餅好濃厚好食。薄荷青檸白朱古力小杯好清新。其他賣相好之餘味道都唔錯。新野有芝士撻。芝士撻有滑溜芝士餡加上夠脆同牛油味濃既撻底。甜品區另一邊仲有朱古力布朗尼,朱古力蛋糕同朱古力撻,真係少左好多款。朱古力撻既朱古力醬又滑又濃,撻底夠脆同牛油味濃。朱古力布朗尼都唔錯。朱古力蛋糕就普通d。放係花型食物架上面既法式杏仁餅同泡芙就好吸引眼球。法式杏仁餅得綠茶同士多啤梨味,不過質素都幾好,又脆又濕潤而唔過甜。泡芙有檸檬同士多啤梨味,外脆内滑。最正係有我最鍾意既Haagen Dazs 雪糕!呢度仲有八種味道(比Cafe Kool多兩款),有士多啤梨,雲呢拿,朱古力,綠茶,曲奇忌廉,冧酒提子,芒果,紅桑子sherbet。可惜雪糕toppings得彩虹朱古力碎同M&M's。原本都唔知原來仲有做pancake,見到有人食即刻叫返份試吓先,熱辣辣嘅薄身軟腍薄餅再加上融緊嘅香滑雪糕,一冷一熱,好正。之後再encore多份,個服務員烤塊pancake烤得耐左,反而意外哋令塊薄餅勁脆,呢個口感仲正。麵包係Haagen Dazs 雪糕隔離,有蒜蓉法式麵包,軟牛奶麵包,意大利香草和芝士麵包,德國鹹麵包,迷你法式麵包,酸麵團麵包,法式長條麵包。芝士有幾款,自己切。生果分好一杯杯,主要係菠蘿,西瓜同哈蜜瓜。之後見到少有既雜果加黑莓,係限量架!每人包一杯餐茶,唔可以轉果汁。總括而言,一排冇黎呢度食自助午餐,感覺選擇少左好多,名貴野食完全冇,值得encore嘅熱食同刺身都冇乜,普通西式食物遜色,炸物令人失望。所以今次都唔算人多,好少要排隊。好在仲有我最愛嘅雪糕同pancake,甜品黎講都夠食,只係選擇少。值得一提係服務好左好多,上次舊年十月黎食自助晚餐服務勁差,今次好似換哂人,大部分服務員會同你有傾有講,食得好開心。枱同枱之間距離夠,坐得舒服。比較近排食過既九龍香格里拉Cafe Kool同隔離港麗酒店Garden Cafe自助午餐,呢度絕對多野同好食過Garden Cafe!不過個人覺得Cafe Kool性價比高好多,所以勁多人。是日星期六每位成人收$528 +10%,$1000酒店消費額係唔夠要補錢,不過登記左入住既小朋友係免費,即刻抵好多。平心而論,如果以呢個正價價錢黎講,就只能勉勉强强俾OK啦。 continue reading
(The above review is the personal opinion of a user which does not represent OpenRice's point of view.)
Level1 2021-10-14
198 views
食物種類比以前起碼少咗三份一,海鮮只得麵包蟹、青口、蝦、螺,連最基本的長腳蟹都沒有,而味道就更加大不如前 =.= 幫襯多年,今次極度失望!玻璃杯仲有橙汁啲漬,都未洗乾淨,五星級飲酒店餐飲,竟然連三星級都不如!~ continue reading
(The above review is the personal opinion of a user which does not represent OpenRice's point of view.)
Level3 2021-10-08
128 views
港島香格里拉酒店中午自助餐,我自己覺得可以既,都多野食,因為我自己唔鍾意食凍海鮮,主打都係媽咪食,我自己就食刺身嘅比較多,凍海鮮我只會食蝦,刺身嘅三文魚好靚👍🏻另外熱盤款式都好多,最正係個中式燉湯,其他嘢都中規中矩最值得一題係佢個西湯,忌廉南瓜湯好香好濃忌廉同埋芝士味👍🏻如果我唔係飽嘅話我諗我會飲一碗😮‍💨甜品方面就好多選擇,但係我覺得淨係朱古力嗰兩款比較好食,其他款就得個靚字🤪但係比起其他自助餐來講都叫做好食 continue reading
(The above review is the personal opinion of a user which does not represent OpenRice's point of view.)
Level2 2021-09-30
667 views
今次有緣到金鐘香格里拉酒店品嘗中午自助餐皆因有位朋友在十月份生日,而我們提早為他慶祝呢!識逢期会,酒店在九月份有八折優惠令整件事更加美滿喔!當我們一進酒店大門就隨即有兩位靚女開門,特别感覺窩心啊!不僅如此:剛踏入大堂門囗,我們被一隻超巨大的「啤啤」吸引了自己的眼球;那隻「大東西」坐在大椅子上,不但神氣還挺可愛呢!心裡想起吃完自助餐後,必定要跟這超級「大可愛」打卡打卡一下。正當我們準備撘電梯上 Cafe Too 7字樓,有位美女疑似是高層人仕給我們按掣,煞時非常感動的。服務一流喔!到達 Cafe Too 門口時,已有幾位客人排隊等入座。我經過門囗走廊位已被一排排五顏六色破璃樽及一排排不同款色的「糖糖」吸引著👉很美呢!心亦想定要再打卡一翻。哪天只不過是平日,大堂已差不多爆滿,真厲害。今次我覺得自助餐增添了多款菜式,很干淨又爽脆,我也吃了不少!至於海鮮方面:有蟹腳,青口,東風螺及蝦,非常新鮮又美味,不可不試。它們的魚生有兩款:三文鱼及八爪魚,味道不錯。不得又提是它們即煮的「湯東西」,配料有非常新鮮魚片,有墨魚丸,豬肉丸,蝦丸等等... 也有幾種款式的中菜葉,超爽喔!一点到的時候,「鈴鈴聲」便嚮起,原來是「燉湯」大駕光臨👉淮山杞子瘦肉燉雞湯,熱騰騰的:每人可分配兩碗,很是滿足。還有一款「木瓜雪耳湯」也不錯。有款即切的燒豬肉片,不太咸又好味;不過,燒牛肉片我未有試呢!水果方面:今次它們用一個樽裝滿了三塊同款水果,很是衛生的。提到雪糕👉原本打算吃一個,但已很飽了,沒吃。總括而言,這處環境幽雅,食物質素高,我喜歡。 continue reading
(The above review is the personal opinion of a user which does not represent OpenRice's point of view.)