Video
Read full review
2022-07-12
196 views
以鬼怪為主題嘅居酒屋SAKEH，主打串燒同SAKE，啱晒放工後想搵個地方小酌兩杯嘅我哋！之前restaurant week已經留意到呢間居酒屋，仲book埋諗住試，點知嗰日有人包場要cancel booking。呢晚就咁過嚟試下a la carte，試咗好多款，整體質素幾好！安藝虎 無濾過純米吟釀（300ml $338）呢度清酒選擇好多，點咗一枝300ml，兩個人分享啱啱好！店員推介呢款安藝虎果然無介紹錯，由於無濾過，飲落口感清爽乾淨，更保有平衡而濃郁嘅果香及辛口感，同串燒好夾。店員先送上前菜，有番茄仔，青瓜及蘿蔔條，清新味蕾！胡麻菠菜蟹肉沙律($88)菠菜新鮮幼嫩，蟹肉蟹籽下得慷慨，加埋腐皮同胡麻醬，簡單開胃。日本生蠔（2隻）(免費)店員突然送上，一問先知道餐廳而家做緊promo，免費送日本生蠔兩隻，好開心！生蠔肥美厚肉，加埋柚子啫喱及酸酸嘅蘿蔔茸，亦係醒胃嘅前菜！厚切牛脷($88)牛脷非常厚身，有咬口之餘又唔會韌，牛味都好濃！荔枝豬肉卷($32)豬肉燒燶咗，火候控制有待改善。雞心($38)質感柔軟，彈性有嚼勁！雞皮紫蘇蝦卷($48)好特別！雞皮燒得金黃香脆，油香豐腴，紫蘇葉正好平衡
安藝虎 無濾過純米吟釀（300ml $338）
呢度清酒選擇好多，點咗一枝300ml，兩個人分享啱啱好！店員推介呢款安藝虎果然無介紹錯，由於無濾過，飲落口感清爽乾淨，更保有平衡而濃郁嘅果香及辛口感，同串燒好夾。
店員先送上前菜，有番茄仔，青瓜及蘿蔔條，清新味蕾！
胡麻菠菜蟹肉沙律($88)
菠菜新鮮幼嫩，蟹肉蟹籽下得慷慨，加埋腐皮同胡麻醬，簡單開胃。
日本生蠔（2隻）(免費)
店員突然送上，一問先知道餐廳而家做緊promo，免費送日本生蠔兩隻，好開心！生蠔肥美厚肉，加埋柚子啫喱及酸酸嘅蘿蔔茸，亦係醒胃嘅前菜！
厚切牛脷($88)
牛脷非常厚身，有咬口之餘又唔會韌，牛味都好濃！
荔枝豬肉卷($32)
豬肉燒燶咗，火候控制有待改善。
雞心($38)
質感柔軟，彈性有嚼勁！
雞皮紫蘇蝦卷($48)
好特別！雞皮燒得金黃香脆，油香豐腴，紫蘇葉正好平衡膩感，包住彈牙嘅大蝦，口感豐富！
雞頸肉($38)
燒至表面焦香，肥瘦交織，食落富嚼勁！
自家製免治雞肉軟骨($48)
每次食串燒都一定會點，呢度嘅雞肉棒混合咗軟骨，食落更有口感！
紐西蘭羊架($78)
比想象中大份，羊架肉質軟嫰多汁，都唔錯。
日本蕃薯($45)
燒得較為燶，火候控制唔太穩定。
白鱔($75)
白鱔皮燒得脆卜卜，魚肉嫩滑，送酒一流。
茄子($28)
醬汁調味稍重。
三文魚燒飯團($42)
飯團燒得焦脆香口，不過三文魚多D會更好。
芝士年糕($48)
外層鬆脆，咬開係流心煙靱嘅芝士
Post
