裕鵝莊 (Closed)

裕記兒時，山長又水遠，坐車又坐小巴咁，才能去到深井，一嘗裕記嘅燒鵝嘅味道，食後也會念念不忘咁再次坐車去食。人大咗，就真係冇乜力，再不能舟居勞頓咁去深井了。加上，市區新界，出現了不少高手，如一樂，陳記咁，慢慢令我淡忘了裕記的味道了。突然，一次，行過尖沙咀，發現咗呢間裕記。嘩，急不及待，衝咗入去食。燒鵝，超肥美，滿口鵝油，一路食燒鵝一路餸飯，味道極佳。鵝香撲鼻，味道濃郁，送來時還熱辣辣的，好正！！推介指數：10/10蜜瓜螺頭老雞湯，湯碗尺寸比一般的大，但呢個價錢應該再大多少少才值。螺頭得幾片，味道不夠，老雞幾粒，雞味不重，仲有豬肉粒在內，加重肉味。個人覺得此湯味道複雜，不夠專一。其實湯料用雞已夠，不用太多豬肉粒，如果為了節省成本，就不要賣雞湯了，轉做青紅蘿白豬骨湯吧，咁様重可以轉注點，做好湯嘅質素。推介指數：3/10