裕鵝莊

Goose Manor
156
17
5
5-min walk from Exit A1, Tsim Sha Tsui MTR Station continue reading
Telephone
23871133
Introduction
It is operated by the third generation of Yu Kee, and implements the spirit of Yu Kee, uses local fresh and overseas high-quality ingredients to make original and delicious dishes. The roasted goose of "Yu. Goose Village", using Qingyuan's black goose, with decades of experience in barbecue technology, with secret family recipes. continue reading
Opening Hours
Today
11:00 - 23:00
Mon - Sun
11:00 - 23:00
Payment Methods
Visa Master AlipayHK Alipay Cash Octopus AE UnionPay
Other Info
Online Reservation
Cake-cutting Details
Reward Dining Points
Spot payment
About
尖沙咀都食到深井裕記燒鵝
<裕。鵝莊>由家族第三代James主理,選擇喺尖沙咀開店最主要係想方便一眾饕客嚟食燒鵝。而且大家亦可以放心,<裕。鵝莊>唔單止繼續沿用過半世紀嘅家傳秘方,亦特別由總店請到經驗豐富嘅老師傅到尖沙咀,由醃製、上皮到燒嘅過程都喺店內進行,保證大家食到同深井裕記一樣水準嘅出品。

<裕。鵝莊>裝修走悠閒清新風格,除了馳名深井燒鵝外Menu,餐牌更多咗不同特色小菜。

招牌菜除了深井燒鵝,仲有......
深井燒鵝(例牌)
餐廳選用養咗90日嘅清遠黑鬃鵝,每隻重9-10斤。用祖傳秘方加上明火燒烤,就成就出皮脆、甘香、肉嫩,而多汁嘅燒鵝啦。油潤而且脆卜卜嘅鵝皮下面有一層皮下脂肪,食落脂香十足又唔太膩。鵝肉雖然又未到見得到肉汁流出嚟,但食落的確相當Juicy又夠厚。

甜薯黑椒安格斯牛粒
薯仔「升呢」做夠哂Sweet嘅日本甜薯,牛柳粒亦變做牛味濃郁嘅安格斯牛粒。加埋惹味黑椒,送飯一流。

黃金蝦多士
懷舊蝦多士加埋鹹蛋黃,完全就係「邪惡力量」聯乘!鹹蛋黃碎夠鹹香,蝦肉亦相當彈牙,最難得嘅係擺咗一陣之後依然唔會覺得油膩,食得出師傅功架唔錯。

懷舊炸鮮奶
懷舊炸物仲有呢碟炸鮮奶,係其中一位師傅特別用20年前喺中菜廳學到嘅食譜,不過將主角改為北海道3.6牛奶,軟心牛奶餡食落奶香同甜香非常討喜。
About Reward Scheme
Review (200)
最緊要一家人開開心心團聚食餐飯,無論團年飯抑或生日飯一樣都咁重要,如果太多親戚好難在家中煮飯,出街食就要預早訂位喇。今次請媽媽食定個提早生日飯,精選左間之前都食過嘅高質燒味店比佢試試。.事隔咁耐都冇去過門面都係一樣咁光鮮,闊落,雖然因為疫情嘅關係人流明顯唔係太多,但係就會有安心嘅距離空間感俾你去放鬆放心食用。餐廳都跟足政府規例做好安全措施每張枱有1.5米距離。而且入餐廳之前都要量度體溫,消毒設施都做得好足。自行用熱水洗乾淨碗碗碟碟就開始點野食啦。餐牌依舊多圖睇,又有說明,挺欣賞的。可以放下餐牌然後慢慢享受晚餐,茶界每位$8👍🏻基本上咩茶款都有齊晒。深井燒鵝為名▫️叫咗深井燒鵝例牌四份一隻$160佢標明色澤紅潤,皮香肉嫩,鵝味濃濃郁,嚟到果然真係圖文相符,仲解說選用清遠黑鬃鵝,入面每一隻鵝都好悉心飼養,前前後後都有90日飼養期,游水、放養、食天然野菜、穀米等。一手包辦,所以相信控制品質呢一關對佢哋嚟講一啲都唔困難。運嚟到店舖用祖傳秘方,明火燒烤。出爐紅噹噹,去到我面前,更是散發油光極為吸引!深井燒鵝仲會配上一隻醬俾食客慢慢沾起來食用。味道如何,話你知啦😇 趁熱食,肥厚又嫩滑的燒鵝,當中皮脆肉香更是很多人的心頭好。鵝皮酥香,油脂豐盈不膩,外皮當然愈脆愈好,但係呢度都做到我喜歡嘅表皮。吃落有濃郁鵝味,肉質嫩滑,不韌、不乾。呢個價錢都算對得起呢度菜館嘅名稱。【裕。鵝莊】。通常配以甜酸醬汁食用,但我認為不點也沒有太大變化。另一重點「燒味」▫️點咗燒味雙拼「蜜汁叉燒配脆皮燒腩」$138如果呢兩樣唔想揀可以選擇貴妃雞或者豉油雞都得。但因為我係非常非常喜歡食叉燒嘅關係所以一定唔會掂呢個叉燒同埋見到櫥窗嘅燒楠仔都幾靚,即刻二話不說揀咗佢哋。叉燒紅彤彤外皮閃著蜜汁的亮澤,微燶的位置散發著炭火香氣,咬下去肉味香濃,伴隨陣陣豬油的甘香,這種粗獷的佬味直令人神往。最喜歡就是叉燒帶點燶邊,超好吃的。 而這裡的燒肉亦不錯,對比叉燒我更為推介燒腩肉,肥瘦層層相間分明不得止,當烤好後,脆皮上會有很多的泡泡,用刀背敲敲脆皮,硬殼般的脆皮會發出梆梆聲,恭喜你,有碟靚既脆皮燒肉喺你面前啦。一口咬下去,咔嚓,嗯,表皮酥脆、鬆脆,入口輕咬就有一種脆化掉的感覺。這種就對了!太爽啦。▫️福建炒飯 $168主要在茶餐廳供應,但喺得呢到實有變化,感到這碟頭飯頗為矜貴。入面一眼望到就係幾隻大蝦,呢碟炒飯比想像中大嘅亦都係一個碟令我覺得價錢貴少少都值得嘅菜式。福建炒飯落油炒香蒜茸、冬菇粒、甘筍粒及菜心粒,加入蝦肉粒及雞肉粒略炒,食材非常豐富。飯粒分明、爽口彈牙的美味炒飯,是考功夫及手藝之作,據聞也是廚師入職的必考技巧,可見炒飯在飲食界的地位舉足輕重。其實要炒出又香又靚的炒飯,真係唔簡單,我都好耐冇食過咁好食嘅炒飯了。在優雅的環境下,盡情的、吃完一啖又一啖炒飯。兩次到來,我們都點了深井燒鵝,每人平均消費都只是二百多元,但已可享用燒味、炒飯 ,陣容雖沒有鼎盛但媽咪非常滿足!媽咪滿足我就滿足了! continue reading
(The above review is the personal opinion of a user which does not represent OpenRice's point of view.)
Level4 2020-11-22
1720 views
男朋友好鐘意食燒鵝,之前一直都話想去深井食,但係礙於疫情關係,而深井又有啲遠,所以一直都沒有去。早前行街時,看到這一間燒鵝是由深井裕記燒鵝後人開的!告訴男朋友後,他二話不說就要去試!兩個人吃的份量都幾多,仲有甜品添!海蜇$68食燒鵝之前,先吃開胃小食!俾我發現這裏有海蜇!!海蜇不是太多地方有,而且也不是間間都好吃。這個海蜇夠飽滿和濕潤,不會乾柴柴,而且十分足料,整個碟都是海蜇,沒有用青瓜舖底。味道似好吃的,但是調味方面,個人喜歡酸一點,感覺會更開胃。燒鵝例牌$160瀨粉$18主角終於出場,我們只有兩個人,所以叫了燒鵝例牌,例牌份量都算多,眼見的其實鋪了兩層燒鵝啖啖肉,上菜時已經聞到陣陣的香味,最重要的是!!燒鵝皮還是脆的!!!好有油香,入口即溶既脆!好快地影幾張照片就即刻食,怕錯過皮還是脆的一刻!可能以前吃的不是太正宗,所以沒有想過原來燒鵝皮雖然充滿油脂,但還是可以燒成脆而不乾!滷水鵝肝$68鵝肝外表睇落去非常漂亮,滷水味非常入味而且口感一流,配埋醬汁食嘅話另有一番風味。但個人覺得配唔配醬汁食都一樣好味!讚👍🏻松露鯪魚球$108傳統的酥炸鯪魚球配上松露,呢個組合非常新鮮,以前從來未食過。呢個鯪魚球炸得不錯,食落外脆內軟。而黑松露汁藏左係魚球入面,咬落去之後一股黑松露嘅味道湧出來,味道非常特別。這是一道有新鮮感的菜色! 炸鮮奶$88食咗咁多個餸當然要叫返個甜品作結尾啦。今次叫咗呢個炸鮮奶,外表望落去都係非常之鬆脆。食落外脆內軟,非常有鮮奶味。總結呢間餐廳非常適合朋友聚餐,下次會叫多啲朋友嚟再試埋唔同嘅菜式! continue reading
(The above review is the personal opinion of a user which does not represent OpenRice's point of view.)
今日買半邊燒鵝, 坐喺收銀嗰條阿叔啲態度極度差劣, 好似全世界欠咗佢咁, 極度燶口燶面 ,問一句答一句, 望也不望個客, 問佢嘢佢係以極不耐煩的樣回答, 好似乞佢咁 。其實嗰條阿叔而家仲有一份工,仲可以咁樣嘅態度對客人, 簡直係逆市奇葩 ,佢真係好好珍惜同埋要切實反省。唔該貴公司加強前線員工培訓, 連最基本的禮貌有沒有, 態度仲衰過大排檔。 如果有機會的話 ,我也希望貴公司在這裏可以回應一下。經歷過今次之後, 應該不會再幫襯。p.s. 我會畀服務"負星",而不是2粒星。 唔知點解我揀唔到俾幾多星星。 continue reading
(The above review is the personal opinion of a user which does not represent OpenRice's point of view.)
放假就緊係想搵下好野食啦!上網搵到附近有呢間馳名深井燒鵝,都想試下佢嘅招牌菜!·🦤深井燒鵝例牌 1/4隻(HKD 160)兩個人食例牌岩岩好,賣相都唔錯,而且鵝皮香脆,食到成咀都係油🤣肉質厚身但就有點粗嚡·🦐黃金蝦多士 (HKD 78)多士用左鹹蛋黃炸,食落夠鹹香,最正係依然食到蝦肉嘅彈牙質感,確實不錯!·花旗參燉竹絲雞湯 (HKD 88)食到半路心思思又想飲下湯,就叫左黎試。花旗參味超濃郁但又唔會蓋過雞味,岩哂我呢d成日捱夜又燥熱嘅人飲👍🏼整體覺得試過就夠,燒鵝嘅性價比冇想像中高,不過值得一讚係服務態度唔錯,店員都會主動加茶😀- continue reading
(The above review is the personal opinion of a user which does not represent OpenRice's point of view.)
Level2 2021-03-19
47 views
唔係好明個標題?正常!睇晒成段食評,自然真相大白!做咗咁多年人,食咗咁多年嘢,得出一個真理,就係永遠預咗唔好太高預期,咁又有另一番滋味!燒鵝,皮唔特別脆肉唔特別嫩…哦…OK啦!蝦多士,預咗D蝦唔大隻…哦…可以囉!小炒皇,預咗冇乜特別…哦!真係冇乜特別!其他D炒菜呀!海蜇呀!勝瓜呀!糯米飯呀!哦!通通不過不失!其實都係預期之內!環境都算OK,似高級茶餐廳!服務亦唔錯!價錢又算幾抵!四個人,食咗六七個菜,都只係七百幾!又真係有少少超出預期,仲想點!如果你居然有耐性睇到呢句,你應該明白個標題…至於34545?咪就係要俾嘅星星! continue reading
(The above review is the personal opinion of a user which does not represent OpenRice's point of view.)