Video
Read full review
2023-05-10
118 views
喺香港食泰國嘢，最正宗一定係去九龍城，成日搭巴士經過都見到呢間泰國餐廳，今日同屋企人嚟試一試佢！餐廳環境唔係好大，有少部份室外座位，門面好吸引，裝修比較民族風，好友泰國嘅feel！餐廳主打泰式粉麵飯、串燒同燒海鮮，都幾多選擇！今次撞正有Live Band表演，有驚喜喎，可以一路聽住啲廣東歌一路食住泰國嘢～平日夜晚去都坐爆曬，建議去之前要book定位！------------------------------🫓◖泰式原味烤酥餅◗ $48 有兩大塊酥皮薄餅，烘過嚟脆脆地，專登叫嚟點咖哩食！🥘◖黃咖喱雞肉◗ $108呢個咖喱雞肉幾足料，有好多雞件喺裏面，幾高質值得嗌！應該係用咗店舖海南雞嘅雞件，食落肉質嫩滑，一啲都唔乾柴！咖喱唔會太辣，落咗少少椰奶，質感幾滑，但咖喱入面嘅薯仔就略為失色，煮得唔夠腍身唔太入味～🦐◖泰式鮮蝦炒金邊粉◗ $108佢嘅金邊粉外貌一般，但食落都OK！有三大隻蝦，蝦肉都幾彈牙；金邊粉炒得比較濕身，加入咗雞蛋、韭菜、芽菜呢啲配料，食落有口感酸酸甜甜，幾開胃，但略嫌唔夠鑊氣唔夠香口～🥩◖串燒牛+豬◗ $22食得泰國嘢，梗係要試吓佢嘅沙嗲串燒！個人鍾意串燒牛多啲，甜甜地咁肉
今次撞正有Live Band表演，有驚喜喎，可以一路聽住啲廣東歌一路食住泰國嘢～平日夜晚去都坐爆曬，建議去之前要book定位！
------------------------------
🫓◖泰式原味烤酥餅◗ $48
有兩大塊酥皮薄餅，烘過嚟脆脆地，專登叫嚟點咖哩食！
🥘◖黃咖喱雞肉◗ $108
呢個咖喱雞肉幾足料，有好多雞件喺裏面，幾高質值得嗌！應該係用咗店舖海南雞嘅雞件，食落肉質嫩滑，一啲都唔乾柴！咖喱唔會太辣，落咗少少椰奶，質感幾滑，但咖喱入面嘅薯仔就略為失色，煮得唔夠腍身唔太入味～
🦐◖泰式鮮蝦炒金邊粉◗ $108
佢嘅金邊粉外貌一般，但食落都OK！有三大隻蝦，蝦肉都幾彈牙；金邊粉炒得比較濕身，加入咗雞蛋、韭菜、芽菜呢啲配料，食落有口感酸酸甜甜，幾開胃，但略嫌唔夠鑊氣唔夠香口～
🥩◖串燒牛+豬◗ $22
食得泰國嘢，梗係要試吓佢嘅沙嗲串燒！個人鍾意串燒牛多啲，甜甜地咁肉質唔韌，炭香味好濃，有啲似食緊新鮮嘅牛肉乾咁；豬肉肉質軟腍，燒出嚟都幾香，但食落味道就比較普通～
🥭◖芒果沙冰◗ $42
呢杯沙冰好濃稠，揀咗少甜同走奶，甜度啱啱好，好香嘅芒果味，幾清甜！
🌟 Encore指數：8.5/10
Post
