黑門水產すいさん (棉登徑)

好耐冇去大阪嘅黑門市場朝聖🤭今晚就去住尖沙咀嘅黑門水產先啦！呢度主打食新鮮海產(可浜燒/刺身 等)🙌🏻🙌🏻鍾意日本料理同水產嘅朋友嚟到實揀到花多眼亂啫！. ✨秋刀魚刺身 $228原條起肉咁上碟👏🏻👏🏻顏色有光澤＆肉質結實彈牙！非常新鮮！沾啲葱花酸汁同食更提鮮😋😋. ✨黑門令大漁魚子醬脆脆包 $196招牌菜之一😚😚於脆脆麪包上鋪上吞拿魚腩蓉, 海膽, 黑魚籽, 蟹籽 等等等！口感豐富！入口滿滿鮮味✌🏻. ✨海膽蟹味噌甲羅燒 $88見枱枱都叫就估到係人氣菜式🌟店員會幫忙拌勻烤好🤝🏻熱辣辣濃厚蟹膏滋味放於梳打餅上一齊食！簡單品嚐鮮味👏🏻👏🏻. ✨海膽燒帆立貝 $98同樣喺面前烤好送上🙌🏻趁熱食！帆立貝好厚肉且新鮮！已準備成一口大小方便食用！拌以海膽, 菇菌, 青椒, 甘筍…再加上清酒吊起鮮味同煮😙😙.✨鐵板燒山賊醬蟹蒜地雞 $138用咗鐵板上枱炸炸聲🔥店員建議要炒一炒雞肉以免烤焦！山賊醬x蟹蒜 加埋又幾惹味！重口味朋友話鍾意食😉. ✨蒲燒鰻魚飯 $168未夠飽柯打番個工工整整嘅鰻魚飯！經典便當造型！鰻魚幾厚身！味道正常發揮👌🏻唔錯唔錯！. ✨加一服務費