Chef's Stage Kitchen (Sai Ching Street)

Open Now

Now Closed

今日星期六男朋友帶我去元朗行街食飯， 睇完戲佢book咗間西餐廳，氣氛同食物質素都好好。Chef's Stage Kitchen，地址喺元朗西菁街23號富達廣場地下。餐廳地方闊落環境整潔，燈光偏暗 ，好有格調，整體氣氛浪漫。西式餐包有三款，麵包好鬆脆，配埋麵包醬酸酸甜甜，食完特別清新開胃。法邊豆，蘆筍及風乾蕃茄羅勒青醬長通粉一個好獨特嘅意式風味，味道清新口感獨特。每一條長通粉高吸收咗羅勒青醬嘅香味，加上蘆筍同乾蕃茄增添口感同埋味道嘅層次，顏色翠綠食落去又好好味，色香味俱全。法式燒春雞 伴南瓜蓉.燒花椰菜苗.燒蕃茄，燒椰菜花燒春雞賣相勁吸引，雞皮燒到金黃色脆卜卜，入口雞肉嫩滑juicy，火喉控制得啱啱好將雞嘅肉汁完全鎖住，食落去特別香口惹味，配埋餐廳嘅醬汁同埋蔬菜，可以解油膩感，又增添口感同味道。最後一杯香濃cappuccino作為結尾，真係好滿足。