Read full review
2017-07-25
3780 views
住上水甘耐已經覺得上水無啖好食，🤦🏻♀️所以特登搭車出聯和墟食，第二次黎食，因為覺得呢間係粉嶺最有質素嘅西餐。雖然落雨但係無損我嘅心情，一入門十分舒適既環境，華麗嘅餐桌，昏暗嘅燈光，仲有獨特嘅設計，好適合約會、生日、想食餐好既人。前菜有麵包條🥖、意大利包🍞等，拎上手係微暖，另外有橄欖油，黑醋，牛油可作點綴。雜菜湯🌽好似飲緊忌廉粟米湯甘，湯料有粒粒薯仔蓉、粟米、煙肉粒，增添口感。香煎蟹餅配龍蝦汁🦀表面上嘅木魚碎唔知係為咗裝飾定係用嚟增添口感，因為冇諗過西餐會用到木魚😂。第一次食咁樣嘅蟹餅，啖啖的蟹肉碎堆砌埋，食落都幾驚喜，只係咸左少許，但真係幾好食，蟹肉份量好足。香烤鴨肉意大利闊面🍝 $178之前其他地方食過一次烤鴨，覺得太乾唔好食。無諗過呢個會甘嫩，令我對烤鴨改觀了。上碟嘅時候意粉好濃烈嘅味道，而我本身鍾意食意粉多個闊麵，但估唔到個醬汁同闊麵係咁夾，而且特別之處係芝士刮到一片片，連埋烤鴨闊麵一齊食簡直係絕配。小章魚水欖意大利飯 $198賣相覺得幾得意，似小章魚係到花式游泳。斷估唔到呢個飯會比闊面更濃味，因為落咗水欖令到個飯有啲酸嘅感覺，再配上番茄碎，食落比想像中好食。小章魚比起魷魚同墨
雖然落雨但係無損我嘅心情，一入門十分舒適既環境，華麗嘅餐桌，昏暗嘅燈光，仲有獨特嘅設計，好適合約會、生日、想食餐好既人。
前菜有麵包條🥖、意大利包🍞等，拎上手係微暖，另外有橄欖油，黑醋，牛油可作點綴。
雜菜湯🌽
好似飲緊忌廉粟米湯甘，湯料有粒粒薯仔蓉、粟米、煙肉粒，增添口感。
香煎蟹餅配龍蝦汁🦀
表面上嘅木魚碎唔知係為咗裝飾定係用嚟增添口感，因為冇諗過西餐會用到木魚😂。第一次食咁樣嘅蟹餅，啖啖的蟹肉碎堆砌埋，食落都幾驚喜，只係咸左少許，但真係幾好食，蟹肉份量好足。
香烤鴨肉意大利闊面🍝 $178
之前其他地方食過一次烤鴨，覺得太乾唔好食。無諗過呢個會甘嫩，令我對烤鴨改觀了。上碟嘅時候意粉好濃烈嘅味道，而我本身鍾意食意粉多個闊麵，但估唔到個醬汁同闊麵係咁夾，而且特別之處係芝士刮到一片片，連埋烤鴨闊麵一齊食簡直係絕配。
小章魚水欖意大利飯 $198
賣相覺得幾得意，似小章魚係到花式游泳。斷估唔到呢個飯會比闊面更濃味，因為落咗水欖令到個飯有啲酸嘅感覺，再配上番茄碎，食落比想像中好食。小章魚比起魷魚同墨魚更好食，而蜆肉，真係非常新鮮！蜆肉真係好值得一讚，因為真係實在太鮮甜。好想知道究竟係點做到，重要嘅事情要講多次，因為真係太太太鮮甜，哈哈。😄
精選是日甜品-🍋檸檬撻
個人都幾鍾意食檸檬制品，個撻餅底鬆化，配埋檸檬嘅餡，好食，認真加分。幾欣賞呢度嘅甜品，因為真係比好多餐廳好食，唔係Hea你，亦都係用心製作。
薄荷雪糕配朱古力心太軟🍫
加左錢轉左個甜品，好耐冇食過朱古力心太軟了，新鮮出爐熱辣辣。心太軟做得出色，切開流出黎嘅朱古力醬口感同味道都剛好，好濃味而且唔會太漏。而雪糕超級薄荷，冇乜甜味，配埋心太軟食絕配。
中途去左個廁所，廁所內放左玫瑰香皂，令到整個廁所都充滿清新玫瑰香味，好誘人。🌹
最後叫埋杯餐飲凍檸茶，真係圓滿。臨走之前見到個廚師，朋友話佢好似瘦版蕭正楠，哈哈，但我已經無左印象。
可惜位置唔就腳，但咁嘅環境同食物質素，真係好值得黎。
Post
