柏斯意大利餐廳 (Closed)

區內唯一高汁西餐野食講究，菜品叼鑽，你平時食開嘅行嘢唔會有。雖然唔係話服務態度好好，但係好有講究，book左檯唔會話有人黎就畀張檯其他人先。叫lunch set 係一樣樣嘢咁上畀你，唔會趕你快d食完。餐包自己整就唔需要講啦，但連煮落risotto嘅配菜番茄粒，都會先用醋醃處理其實中午都係講緊$150-$250一位可惜可惜，再見啦

小店座落於聯和道與聯益街交界一個不起眼的小角，面向聯和墟遊樂場。然而小店室內裝潢不失氣派，可算是舊墟中的奇葩，置身餐廳內，安靜的環境，讓人舒坦的享受食物及餐廳中的服務。店雖小，然然仍不忘照顧素食者的需要👍🏻👍🏻

好耐無出去食飯，忍唔住約朋友慶祝生日。呢間真心推介，幾遠都要去食。一早已經知道粉嶺呢度多嘢食，呢間意大利餐廳都係其中一間想食。平時睇餐牌有時都揀得快，呢個都真係要啲時間，因為啲餸配搭係幾特別。睇黎店主係識飲之人，好多靚gin。先上湯，係熱盤上，料係多，湯係濃，呢碗絕對會令你更期待啲餸。麵包又係好好食，夠鬆軟，又唔會，點嘅cream都唔差。欣賞下室內環境，夜晚應該更有feel。香煎盲鰽魚柳，148元，魚配菇大家各自爆鮮味，但又出奇地夾，魚皮亦好脆。意式辣肉醬腸西蘭花手捲意粉，128元，手捲意粉掛汁，先係蕃茄再嚟辣一辣，超級好食。一定要點佢心太軟，78元，朱古力超濃，配埋雪糕從來無得輸。老細店員服務又好，間鋪靜中帶旺，一定要嚟食！（又話我唔係原相😑）

「柏斯」係我搬左黎粉嶺之後其中一間食得最多既餐廳，佢既意大利菜連我以前係諾士佛台返工嘅老公都話正宗，所以我地一有時間都會去，今次就夜晚黎，佢環境闊落，位同位之間空間充足，落地玻璃設計坐得好舒服。《Pizza Margherita》以前細個淨係食開Pizza hxx嘅Pizza，大個左之後pizza margherita變左我既pizza no.1，因為好鍾意芝士蕃茄羅勒葉既簡單而完美既配搭。「柏斯」既pizza餅底都夠薄身脆口，但唔夠煙韌，面頭水牛芝士同羅勒葉都冇焗過，所以pizza唔夠香同拉絲，再者pizza margherita既蕃茄汁同油香都非常重要，依樣都做得唔夠juicy，但勝在熱辣辣即叫即焗。《香烤鵝肝配車厘子汁》煎鵝肝又係我西餐最愛點既starter之一，鵝肝好厚身同大舊，底面都煎得好香口，但係切開後沒有creamy感覺，佢口感比較實身，但佢個sauce整得好出色，酸酸甜甜，加埋無花果火箭菜同多士，層次豐富。《慢煮伊比利亞黑毛豬肋骨配燒烤蜜糖醬和薯條》當日叫左個set dinner,黑毛豬肋骨加燒烤醬好惹味，因為佢係慢煮嘅關係，所以可以保留到肉汁，仲有即炸粗薯條都好好味呀

又貴又唔好食 四人行食左個pizza 意大利飯 牛扒 無一樣野係正常 仲要上菜慢 全場得一個人 為左呢間野開個戶口 食左千二蚊四個set 我諗有一千蚊係食左個裝飾 希袤土中家唔好俾門面呃到

今天剛行完山，一行四人（有一小朋友）看到餐廳裝修幾靚，價錢來說，在粉嶺是不平宜的，但也抱住一試無妨的心態。看見set dinner （約$2xx), 便叫了兩sets, 另外叫咗意粉及沙律給小朋友。有一位看似比較senior的 waiter提到upgrade湯及甜品加$40, upgrade 後的是松露蘑菇湯，甜品則是心太軟，於是我哋就話兩set dinner都upgrade. 由於枱面有玻璃杯及玻璃餐碟，有個較年青的waiter 可能怕小朋友打爛，便取走（完全冇詢問，好唔尊重客人），亦沒有問我們要不要喝酒等。等食物嘅期間，我就問返個waiter要返餐碟及餐具俾小朋友。佢話：怕小朋友打爛所以拿走，咁我就說：你都要俾一套佢㗎.....我心裏面諗，難道她不用餐碟嗎？感覺佢哋全部侍應都好唔專業，亦都冇禮貌，由頭到尾都冇講唔該、麻煩、請、等字眼。中間等食物好耐就不說了（包括等心太軟30分鐘），埋單時upgrade嘅食物數額有爭議，我與那個senior(後尾問返原來佢係老闆！）的侍應理論，佢用好晦氣嘅態度話：咁當我送俾你啦！之後一走了之。我真係冇見過啲餐廳老闆可以咁樣對客人！我哋食到一肚氣，冇食

想不到在粉嶺也有如此舒適高雅的意大利餐廳，趁假期試了他們的午餐，只是百多元一份，有餐包、餐湯、主菜和飲品，份量超大，另加$25有凱撒沙律，幾抵食。餐包有三款，跟橄欖油、黑醋及蒜蓉醬，其中蒜蓉醬最好味，橄欖油也很清甜，黑醋略嫌不夠酸。餐湯是粟米忌廉湯，味道正常，沙律菜好新鮮，調味恰到好處。主菜點了香煎鯛魚柳及低溫慢煮法國豬鞍，鯛魚幾香口，豬鞍肉厚仍嫩口，但豬味略嫌不足；兩碟主菜的份量足夠其他餐廳兩個餐，加上跟餐的麵包和餐湯，一個大男人食完都叫飽。餐廳環境好chill，裝修有歐洲風格，張櫈又大又舒服，坐到唔捨得走😂

早排行完山之後，嚟咗呢間西餐廳食個午餐。睇外表以為係一般嘅港式西餐廳，望吓個餐牌都係百零二百蚊既水位。我最欣賞都係佢前菜送嘅包，個蒜蓉醬真係食過返尋味！主菜我地試左一份pizza、意粉同牛柳，份量都算大。pizza上得比較慢，所以只係試咗一塊其他就打包拎走。意粉未算非常出色但係都好好味，而牛柳就最美味，火候教得十分之好，有焦香味之餘入面做到medium rare，淋得黎牛味濃郁。至於個Tiramisu就一般啦，冇特別出色。

粉嶺高質素嘅西餐廳，環境非常之優雅，而且好有氣氛。食物價錢喺粉嶺區來講唔算平，但係質素唔錯所以都算合理。餐廳服務態度細心，而且有不少素食選擇。如果粉嶺區朋友想食好啲，又唔想去咁遠，都係一個唔錯嘅選擇。　

為仔仔慶祝生日 , 朋友推介 , 預早兩天book位還預定了一打生蠔 , 並要求出甜品時加仔仔名同祝福語 , 職員很認真記底 ! 當晚 ,  我們點了三個餐 , 其中一個牛扒餐(算上價)要求五成熟 , 飲完湯後等了20分鐘 (餐廳內約4成客人), 牛扒上檯 , 很失望 , 看似十成熟  !!! 要求侍應睇睇 , 最終收返入廚房 ! 到甜品時間, 侍應話我沒有留言要求加祝福語 , 真係火都黎 , 唔緊要 , 咁可以同我加返 , 佢好似聽唔倒 , 又等左20分鐘 ,  最終當然只得happy birthday 沒有寫名! 整體食物ok的 , 但出餐時間未能配合 , 等耐過食不能接受 , 細節位又錯哂 ! 一餐很勞氣生日飯

食物普通，野飲唔好飲，價錢不合比例又貴，重點係服務員態度很差，服務員說拍照要包場，唔包場不能拍照，環境又有蚊，咬到腫晒，從來未試過劣評，但今次破例要寫，因爲態度很差及受到不合理的待遇，收錢就識收，不建議光顧，避免給錢受氣。

餐湯creamy 好飲。Pizza 味道不錯， 香草芝士薄餅，新鮮焗出。 餅底乾身得來又很趣。 地道得來很好食。 意大利粉是新鮮製麵條。 味道很香。sauce 香濃又creamy.整體而言， 很有水準， 是難得好味的餐廳。

有次經開聯和墟，目到呢間餐廳門外放左蘋果日報送比路人，發現係良心小店，再留意佢哋嘅環境同餐牌都覺得好唔錯，於是早幾日就去左試！果日試左5道菜，每道都好出色！真心值得再幫襯同推薦各位😁😁1. 南瓜湯： 香濃，口感細滑😋2. 黑松露炸薯條：好香脆，一啲都唔膩，如果可以落多少少黑松露粉就更正😆😆3. 豬鞍： 建議8成熟進食口感質地最佳，肉質好鮮嫩、味道好好之餘入口仲有陣好香嘅炭燒味道！👍🏻4. 羊架：肉質同樣好鮮嫩，味道好好之餘入口仲有陣好香嘅炭燒味道！👍🏻👍🏻5. 心太軟：食得出呢種香濃嘅朱古力味質素唔錯，而且唔會太甜，焗得啱啱好，只係個人覺得如果伴碟可以用返雲呢拿雪糕會適合一啲🤭🤭

先不講食物，重點是服務態度非常惡劣，絕對100％不推介，問多兩問餐牌食物， 侍應黑面不在話下，回答時更充滿極不耐煩樣子，食物質素亦非常普通，屬於服務性行業想不到態度可以差到咁，外表幾靚都冇用，以後不會再幫襯。

聯和墟可謂北區的淨土，離火車站一段距離，没有被水貨客盯上。雖然有新建大型屋苑進駐，但小店還尚可生存。在這平衡時空，卻有不少良心小店，值得用一天來遊覽。 位於古蹟聯和市場附近，門面以黑木配金邊的玻璃幕包圍著，再配上金色招牌，貴氣而帶神秘。 甫進門，滿佈綠色，像進入了歐洲小屋的庭園。 階磚也有小細節，非常有心思。 餐廳走中高檔路線，lunch價錢比同區的西餐廳。Lunch menu選擇夠多元化，想吃什麼都照顧周到。 落完order，先送上餐包。款式很多，新鮮、軟熟。 餐湯口感濃厚、順滑，絕不欺場，但牛油味略重，不太合我口味。 低溫慢煮法國豬鞍 $158Red Label是優質法國豬肉的標籤，因為是自由放牧，肉質、肉色及味道都比普通的法國豬優勝。 豬鞍扒很厚身，肉味超濃郁，配上自家燒汁更惹味。但下刀有點難切，口感不夠軟嫩，但配上爽脆的雜菌一起吃，口感還不錯。 炭燒美國精選封門牛柳 $188牛柳燒得夠香口，肉質嫩滑。伴碟蔬菜也夠鮮甜、剛好平衡牛柳的膩感。本想加甜品，但主菜已經夠飽，吃不下了。同場見到隔離枱吃的自家手製pizza也很吸引，下次可以試試。 喜歡這裹夠寬敞、舒適，跟