Read full review
2017-04-04
160 views
今日晏就同朋友黎到呢間位於旺角既泰國餐廳-泰廚泰國菜館，一入去，可能由於係正直午餐時段，餐廳坐滿哂人，職員就指左我地上二樓，好彩岩岩好仲有兩個位，可以唔洗等。我地兩個人，分別叫左一個飯，一個撈檬。1.泰式手撕雞配油飯上到枱，其實係海南雞配油飯，雞既分量唔少嫁，有6件，仲要係雞脾位Tim，D雞肉好滑，雖然係冰鮮雞，但竟然做到食唔出雪味，另外D皮好爽脆，油飯而都好好味，唔會好油，一股甜甜既清香味。另外套餐仲跟左碗餐湯同埋杯特飲，湯無咩特別，係通常海南雞飯都配一碗湯，有淡淡胡椒味。餐飲就簡左青檸冰，酸酸甜甜好開胃，而且唔洗另外加錢。2.炭燒豬頸肉撈檬豬頸肉撈檬好大碗，面頭有切得好幼細既生菜絲，炸左既乾蔥絲同埋花生碎。同平時食既撈檬唔同，店家好細心，醬汁係用雪櫃雪住，保證食果陣撈檬係夠冰凍。我一向係重口味，一落就落左好多醬汁但食落就發覺落得太多，完全唔同平時食開既餐廳，佢既醬汁好濃味，蒜味同辣味都非常之重，食到一半實在頂唔順，跟住店員好貼心幫我加左d湯，變左酸辣湯檬，味道都好唔覺，令到一個檬兩個食法！！由於我地係食午餐時段，所以價錢好抵食，見其他既食評都係話呢間餐廳係好出名，希望下次黎可以一試
1.泰式手撕雞配油飯
上到枱，其實係海南雞配油飯，雞既分量唔少嫁，有6件，仲要係雞脾位Tim，D雞肉好滑，雖然係冰鮮雞，但竟然做到食唔出雪味，另外D皮好爽脆，油飯而都好好味，唔會好油，一股甜甜既清香味。另外套餐仲跟左碗餐湯同埋杯特飲，湯無咩特別，係通常海南雞飯都配一碗湯，有淡淡胡椒味。餐飲就簡左青檸冰，酸酸甜甜好開胃，而且唔洗另外加錢。
泰式手撕雞配油飯
$40
23 views
0 likes
0 comments
青檸冰
13 views
0 likes
0 comments
豬頸肉撈檬好大碗，面頭有切得好幼細既生菜絲，炸左既乾蔥絲同埋花生碎。同平時食既撈檬唔同，店家好細心，醬汁係用雪櫃雪住，保證食果陣撈檬係夠冰凍。我一向係重口味，一落就落左好多醬汁
但食落就發覺落得太多，完全唔同平時食開既餐廳，佢既醬汁好濃味，蒜味同辣味都非常之重，食到一半實在頂唔順，跟住店員好貼心幫我加左d湯，變左酸辣湯檬，味道都好唔覺，令到一個檬兩個食法！！
由於我地係食午餐時段，所以價錢好抵食，見其他既食評都係話呢間餐廳係好出名，希望下次黎可以一試佢既晚餐，試多D其他不同既食物！
Post
