王家沙．花樣年華 (金朝陽中心) (Closed)

同中同朋友聚會，朋友推薦依間中菜廳，book左星期三六點既枱，可能因為岩岩開始晚市，所以都無咩人到。值得提既係，佢個位有d tricky，因為佢係同另外幾間食肆開埋一齊，所以無門面，搞到我同朋友搵左一陣先搵到。餐廳既氣氛幾迷幻，燈光昏暗，紅黑黃既顏色配搭顯出格調。講番食物，價錢都要番咁上下，但份量真係好細，有食開既朋友發覺小籠包比起之前減左料，海蜇太酸，回鍋肉炒年糕可以多小小椰菜中和辣味。埋單每人除開都要百幾蚊，但仲係好唔夠飽，要再出去覓食填肚。