王家沙．花樣年華 (金朝陽中心) (Closed)

以前呢間店非常出名但改左名同裝修之後啲水準似乎差左……個brand點活化都無用最緊要食物質素有保證所有嘢嘅份量都大但味道完全唔似平時食開嘅上海菜燻魚顏色已經同平時見開唔同食落魚肉好硬個汁怪怪地唔惹味蒜泥白肉啲肉又係完全勁乾片得有啲厚豬肉有啲雪味……麻麻口水雞算最正常不過都無驚喜醉雞正正常常酸辣麵唔ok死酸又唔辣唔好食四季豆穩陣小籠包不過不失唔係好夠熱囉呢個係擔擔麵嚟架咩？完全無花生味只係一個咸嘅麵炸魷魚全晚最好食夠彈牙夠juicy奶油律白調味不足自己整可能仲好食環境真係唔錯但食物服務都唔ok第一趕人走趕收工明明8點幾9點咋仲要成個場吉點都唔會係霸住佢張枱啦下話第2不停落錯單又唔肯認好錯攞返張紙仔出嚟對咋以後唔會返轉頭價錢仲要唔平

以前細細個好鍾意去屋企附近果間王家沙食飯自從搬咗屋之後都好少食最近心血來潮就去食下原來經宜家openrice訂位仲有折添呢間花樣年華係比一般王家沙高級少少環境 餐具都靚少少 但估唔到居然比我見到個廚師唔戴口罩係道煮麵囉疫情下都咁唔注重衛生真係冇下次😖講下啲野食生煎包煎得唔夠個底一啲都唔脆小籠包包皮厚豬肉又唔夠鮮味擔擔麵好淡唔夠花生醬同肉碎麵條又硬上海粗炒口感幾好都幾多菜但都係唔夠味綜合以上就唔會再去啦

環境寬躺舒適 裝飾亦都好有中式格調話梅鮮淮山清甜可口非常開胃做飯前小食非常合適蒜泥白肉係經典名菜蒜泥份量十足 白肉肉味香濃在點上特調醬汁非常好食蟹粉小籠包皮薄餡靚每一口都充滿蟹香 齒頰留香對比起普通嘅小籠包更勝一籌點上香醋一齊食份外滋味椒絲腐乳通菜微微辣非常香口而且食咗咁多肉食啲菜感覺非常健康同埋黑毛豬擔擔麵都係惹味之選黑毛豬扒肉味突出 非同凡響啖啖肉冇骨好爽 絕對係必食推介擔擔面嘅湯頭亦都非常濃郁 充滿花生香味麵質彈牙

走進銅鑼灣登龍街，不只有拉麵店，還有其他餐廳、酒吧等。這家上一樓的上海中菜館就在日本居酒屋餐廳的旁邊，主打滬菜。座位闊落舒適，環境恬靜，燈光柔和帶昏暗，最適合跟好友過來把酒談天。麻辣口水雞先來一碟冷盤，色香味俱全。沾滿醬汁的雞肉很惹味，惟辣汁混上醬油後，整體偏鹹。雪菜毛豆百頁上海地道的小菜，其實可以當成一客主食。百頁豆皮即是豆腐皮，就如粗闊的麵條般，口感粗糙，份量多。雪菜本身已經帶鹹味，加上浸著上湯，所以味道蠻夠的。這款沒有加肉絲，也適合素食者。嫩雞煨麵上海菜大多味重及濃鹹，所以點了碗相對清淡湯底的麵條。份量大碗，材料主要就是嫩雞肉及碎白菜。湯非常燙熱，小心慢用。雞肉切成細細粒，麵質軟腍，不是富有彈性的麵條。燻魚菜飯雖然名字為燻魚，但是經油炸而成。皮厚硬，骨頭多而且大條，不算油膩。魚塊數片，淋上薄薄的醬汁，底下就是菜飯。酒釀丸子 桂花味清香，米酒味濃郁，丸子細粒軟糯，很暖胃。貴妃紅棗糕上海的甜品選擇也蠻多，還點了一客紅棗糕，新鮮蒸起，口感煙韌，味道充滿紅棗香，真是圓滿的一餐。

王家沙銅鑼灣呢間分店都好廣闊岩岩收工過到黎六點幾鐘唔洗等位直入🌝醉嘉美雞$1️⃣0️⃣8️⃣醉雞味道岩岩好酒香入味份量都唔少肉質都算嫩滑🌝溫泉蛋賽螃蟹$9️⃣8️⃣賽螃蟹蛋白🦀️推薦因為平時都少食加埋喼汁落去食做前菜都幾開胃🌝花樣饅頭（半打）$3️⃣2️⃣🌝蘇式鮮肉小籠包普通皮有啲厚湯汁同肉🌝石鍋鮑魚飯$1️⃣3️⃣8️⃣鮑魚飯好濕潤口感好豐富飯炒得好份量算大飽魚彈牙🤍椒絲腐乳通菜$8️⃣8️⃣見到師傅明顯揀走左好多菜葉啖啖都係通菜莖味道岩岩好 唔會太咸

本身網上見到不少評價唔講服務差、態度差都驚一驚～但老實講，普遍年紀偏大嘅侍應們都算幾親切同主動，環境闊落舒服，價錢合理，非常適合朋友家人聚餐！陳醋海蜇頭$88海蜇頭爽彈夠厚，陳醋味都幾重手略酸。鮮肉胡椒餅 $52/3件脆卜卜爆汁都唔錯！蘇式鮮肉小籠包$58/5粒皮厚左d，細粒但肉餡尚算飽滿，而且有湯汁。炸黑毛豬扒擔擔麵$128值得一讚豬扒炸得金黃唔乾柴，擔擔麵花生味濃郁，醬汁濃稠好掛汁，比出面食到會辣少少，味道不錯。醬汁牛仔骨炒年糕$118牛仔骨比較少有見到的配搭，份量大碟惹味，年糕煙韌QQ!

王家沙．花樣年華 地址: 銅鑼灣登龍街1-29號金朝陽中心2期Midtown 1樓電話: 23834068===================朋友生日，約定佢一齊食餐飯幫佢慶祝一下。小籠包$58 是必食招牌菜之一，薄薄摺得工整，半肥瘦豬肉餡同湯汁充滿肉鮮甜$118 一人午市套餐好豐富，點心，酸辣湯足料且酸香惹味，主菜跟飯或陽春麵，陽春麵超大碗大男人都吃不完，仲有豆漿，獅子頭混了4成左右肥豬肉，入口潤而豐腴，伴以青江菜。跟餐有小籠包同豆苗菜餃$188 半隻樟茶鴨，連小饅頭夾在一起享用，有海鮮甜醬格外突出鴨肉，皮烤到迫出油脂咬下香脆$52 鮮肉胡椒餅煎到表面略脆口，仲卜了黑白芝麻，肉餡多汁，胡椒味適中。賽磅蟹蛋白而不油，低溫油泡的蛋白模仿蟹肉，打上蛋黃作蟹皇，撈在一起是考功夫的一道菜，因一過火高溫，蛋白就會毀了影響口感。環境舒適，且菜式選擇豐富。

最近同朋友講起原來我哋好耐冇食上海菜所以就去咗銅鑼灣 花樣年華餐單上有好多熟悉嘅菜式當然我哋一定要叫鮮肉小籠包佢皮薄多汁 豬肉好鮮味仲有酸辣湯雲吞酸辣味調校得好好 夠惹味絕對係正宗上海湯好耐都冇食炸饅頭佢炸到外皮夠晒脆 配煉奶一流嚟到主食 見到佢個招牌炒飯一上菜香味撲鼻 上海式炒飯將濕夠晒特別 而且粒粒分明黑毛豬扒擔擔面 炸到金黃色嘅豬扒外脆內軟 肉質仲好綿 當然擔擔面香濃花生醬湯 好懷念蒜蓉粉絲蒸娃娃菜 都整得好好味加一杯菊花薑蜜 就錦上添花啦

王家沙相信無乜人會唔識因為都開咗一段時間，位於銅鑼灣金朝陽中心二期嘅呢間分店，整體裝修感覺都同平時王家沙都好唔一樣，可謂相當之有格調！佢哋最出名就係將傳統滬式加入創新元素，將大家對滬菜固有嘅印象完全推翻。-蘇式鮮肉小籠包佢哋嘅小籠包同鼎泰豐好唔一樣，佢哋嘅小籠包餡料紮實好多，皮相對嚟比較薄但同時富有嚼勁，最抵死入面嘅湯汁味道鮮甜濃郁！-上海素蒸餃小編最鬼鍾意純菜內餡，一咬入口入面嘅菜汁即刻流晒出嚟，幾唔鍾意食菜嘅小編都忍唔住啪兩舊。-上海話梅骨鬆化排骨吸收晒話梅甜甜酸酸嘅味道極開胃，簡直係初戀嘅味道唔講經，-老壇酸菜鮭魚酸菜魚小編真係食唔少但出面個啲真係基本上差唔多味，但係好多間餐廳都係用麻辣去掩蓋魚嘅鮮味。王家沙嘅酸菜魚出色之處就係食到魚嘅鮮甜，但層次分明嘅辣味依然係度！正！

王家沙是一家老牌上海菜館，總店位於上海，在1945年已經創立，至今已營運近4分3個世紀，而家更衝出本土，在香港和日本也設有分店。今天來到銅鑼灣金朝陽中心的新興副線花樣年華，主打年輕型格，從佈置和美食中體驗何謂新派滬菜。 .在靠近鵝頸橋的入口進入上電梯，1樓就見到王家沙的門面，標誌像一個包子。適逢中秋節，看了一下賣的月餅除了蓮蓉五仁等傳統月餅，還有抹茶和海苔，加入和風很有趣。 .步入餐廳，最吸引的是頭頂的燈光，看似不規則的排列卻是亂中有序，仔細一看是有中文字、英文字和圖案等，光彩炫目下精神為之一振。坐位有點像飲宴般中式餐具旁邊還有紅酒杯。 打開餐牌見到各式招牌滬菜，點心、小菜和甜品皆有多種，加上圖片上突顯了滬菜特色的濃油赤醬更令我饞涎欲滴。服務員態度友善，會主動關心我們用餐體驗和添茶。滬式涼菜拼盤｜$188｜8/10醉雞用左嘉美雞去製作，皮薄而白，而且皮下脂肪少，皮爽肉嫩，做涼菜非常合適，皮蛋豆腐醬汁偏重味，肉鬆再多點會更好四喜烤麩很道地的上海菜，烤麩吸收湯汁，口感有勁，味道鹹中帶甜，不錯👍🏻 鎮江肴肉有六件，皮色晶瑩和透明，食落不油膩，仲有大量蒜茸拍青瓜燒鴨包｜$58｜7.5/10一份

Happy Friday，一收工就坐車去銅鑼灣覓食經過登龍街見到大大個「花樣年華」招牌突出唸到好似好耐無食上海菜於是就立馬決定今晚食佢啦🤣.餐廳樓底好高，佔地一層空間感好大，座位又闊落～.【餐牌】【蘇式鮮肉小籠包 $58】小籠包吾會過厚一啖入口，湯汁係口中爆發，好邪惡呀😈濃濃湯汁夾雜住鮮美嘅肉餡再蘸上薑絲醋，酸香味令味道更突出！.【鮮肉胡椒餅 $52】賣相有D似生煎包😂底部鋪左一層黑白芝麻，再煎至香脆咬落有陣陣嘅胡椒香肉腍香滑帶肉汁味道同口感都相當不錯👍.【流沙奶黃包 $29】每次食點心，幾乎都必叫流沙奶黃包😂奶黃包熱辣辣，摸上手好軟熟輕輕一咬，裡面既沙沙奶黃滿瀉甜中帶點奶香～.【花樣饅頭 $32】細細個就好中意食嘅炸饅頭😍饅頭香酥鬆脆口感紮實配上煉奶一齊食，兒時回憶返哂黎🤣.【椒鹽鮮魷 $148】金黃脆鮮魷上面灑上炸蒜同辣椒碎有D避風塘嘅風味🥰炸粉吾會過厚，咬落酥鬆爽彈又帶點微辣！可以蘸上香醋，平衡膩感～.【家鄉炒年糕 $98】年糕切得較厚，口感煙韌帶嚼勁咸咸嘅豉油香又有點微甜伴碟有白菜，香菇片，肉絲，口感幾豐富😎.【酒釀丸子 $42】上海菜必食既甜品🥳煮後嘅酒釀味道香甜酒香味吾會好

上海菜老店 由1945年已開業 今日一個人食飯,所以試唔到太多款式見佢午餐有套餐一次試到主食定前菜都算幾豐富!菜式如下 回鍋肉 椰菜炒肉片 小食 炸菜絲春卷一件 前菜烤麩,木耳 雞湯一碗回鍋肉小辣炒得惹味香濃,椰菜仍帶少脆口感 肉片係腩肉夠肥美 小食係一條蔬菜絲春卷清爽香脆好味道 前菜係2款小食 烤麩係麵根味道偏淡,木耳脆口帶點酸醋味雞濃湯一碗,入面有菜和雞肉,濃香清甜雞肉嫩滑,成份套餐真係幾豐富好抵食王家沙．花樣年華 (金朝陽中心)銅鑼灣登龍街1-29號金朝陽中心2期Midtown 1樓平均消費$100評分7/10

一人豪華自由選很抵吃，有齊點心，老火湯，小菜及飯或麵，還包飲品，飲品可選汽水豆漿都得～點心拼盤～有兩件，蒸菜肉餃及小龍包各一件，餡料都好足料～是日老火湯～今日老火湯是合掌瓜紅蘿蔔煲豬肉，沒味精的，不錯～上海話梅骨～甜酸的味道拿掐得很好，味道很出但就不會死甜，排骨亦肥瘦適中，很好吃～自家製豆漿～很濃郁的豆香味，不太甜，剛剛好～陽春麵～麵上有一條菜芯的，麵份量也不少，感覺選麵很抵吃～清炒菜心～菜芯十分嫩滑清甜，很翠綠～原盅雲吞雞翅～這個不得了，魚翅是能夾起的，而且數量也不少，雞湯濃郁，另有一隻雲吞及一件雞件～

個個月都有朋友生日，我多數都會幫手揾下地點，比下意見，朋友生日話想食上海菜，又想係銅鑼灣，咁就揀左呢間嘢😔😔😔買左個蛋糕拎上去，一比個侍應，睇住佢轉頭係你面前成盒跌左落地，然後無對吾住，係第二張枱打開，爛左少少，佢就拎走朋友生日費事同佢勞氣，心諗爛左少少算數，但佢完全無問題咁嘅態度真心好鬼奇怪。最無語同O嘴係食晒嘢，叫佢拎得蛋糕時，佢地係就咁盒連紙袋放係枱就走……吓 問佢先再拎碟同叉放係枱，我食左起碼都廿幾年生日飯，未見過餐廳咁樣，你收100蚊切餅費吾算貴，但我覺得你應該叫借雪櫃費囉！叫左好多嘢食，除左紅油抄手，酸辣湯好味之外，其他一般，擔擔麵只有花生醬甜味，麵太腍。 雪菜肉絲炒年糕一樣太腍好難食……埋單已經同佢講有現金coupon （金朝洋陽中心儲分換），佢出左單先話因為訂枱有85折，吾可以用coupon， 咁咪要求出過張單囉，數係咁計，我85折係平得少過我用200蚊coupon, 同你講左你又吾出聲，淨係話你coupon下次用囉埋完單先精彩，一拎起個手袋張椅有曱甴，我地幾個女仔嚇到死，無人會記得影張相做証。真係明白點解今日星期六晚，銅鑼灣間間都爆 ，你地都係得半滿。我好耐無出食評，

好耐無去過王家沙食飯，咁啱嗰日行開銅鑼灣，老婆話想食小籠包，第一時間就諗起去嗰度食飯，最後同老婆同個仔喺無訂枱情況底下就上咗去食飯，可能時間尚早，食客不多，侍應安排了近窗口梳化位置，餐廳樓底很高，感覺舒服，侍應服務態度很好，一座底就主動倒茶，見到有小朋友同桌，仲主動提供清水給小朋友，值得讚賞，食物方面，點了一個涼菜拼盤，皮蛋豆腐刀功精細，醉雞不太咸，小籠包上枱熱辣辣，湯汁濃郁，點了一個黑松露蝦仁，味道不過不失，蝦肉爽口，太太喜歡食魚，點了個酸菜魚，魚肉嫩滑，辣度適中，整體上都好好，下次一定會再來