泰廚泰國菜館

Open Now

Now Closed

星期二，我同朋友喺旺角行街，順便諗住喺附近食啲嘢先返去，跟住就比附近嘅串燒香味吸引，真係好香。咁我哋就諗住喺呢間餐廳度食飯，不過要等一陣。因為係星期二，所以嗰日嘅優惠就係泰式菠蘿炒飯，仲要係我哋鍾意食嘅添，實在太好啦呢個就係泰式菠蘿炒飯，份量都好足料，大約都有兩碗飯，我最鍾意食面頭有好多肉鬆，炒得好香。呢個係炸蝦餅，炸得好香脆，入面啲蝦膠好爽口彈牙，點埋啲酸辣醬，好開胃。呢個係燒豬頸肉，燒得好香，豬頸肉好爽口。呢個係蒜蓉包，雖然賣相唔係幾好，但係食落好香、好香蒜蓉味。呢個就係吸引我哋係出面燒嘅串燒，我哋揀咗全部都係豬肉，不過我哋唔係食得好辣，跟住佢就話可以走辣嘅。味道好惹味，好香。