好時沙嗲

Open Now

Now Closed

歷史悠久星馬菜 朋友好介紹，好時沙嗲已經在香港尖沙咀好時中心屹立超過30年，特地慕名而來，性價比高星馬菜😉海南雞飯 🍗 海南雞偏淡，配上醬汁還可以，但雞份量相當少，大部分是菜墊底。價格中等，以尖東地區來說，可以一試。星洲炒蘿蔔糕 😋入面有蛋同蝦，炒得好惹味，蘿蔔糕炒得香口唔會太糊😋！喇沙 🍜 米粉偏粗身偏稔，豆卜、魚旦、雞絲、蝦等都正常發揮。 喇沙湯底聞落係幾香，椰味幾突出，不過略嫌唔夠濃郁（可能要自己加辣）。福建炒麵 (五星推介!) 🌟 依個係簡直係意外，因為少人推介，一食, 發覺完全同係馬來西亞食到既味道完全一樣，味濃，少少甜而且夠晒味，食到停唔到口! 依個下次真係要encore!椰汁沙各米 🥥 依樣係馬來既甜品，勁香既馬六甲糖同椰香，配上西米，簡直係一絕!凍奶茶 🥤 正常發揮，同一般茶餐廳分別唔大! 順帶一提依度提供枝裝可樂 (lunch time +$6就有)，大家要明白依家搵到間餐廳有。