519
280
142
Exit P2, Tsim Sha Tsui / East Tsim Sha Tsui MTR Station continue reading
Telephone
27399808
Introduction
Good Satay is a Singaporean restaurant in Tsim Sha Tsui that serves food with authentic flavors. The setting is relaxed and extremely casual. Some highlights from their menu include the laksa, chicken satay and Hainanese chicken rice. continue reading
Awards and Titles
Best Restaurant in Tsim Sha Tsui (2010-11), Best South East Asian Restaurant (2011-13)
Opening Hours
Today
11:45 - 22:00
Mon - Sun
11:45 - 22:00
Payment Method
Cash Octopus Alipay WeChat Pay
Other Info
10% Service Charge
Spot payment
Review (1019)
舊日回憶的味道 Featured Review
Level4 2017-09-12
10257 views
好時沙嗲 讀U個陣最鐘意一大班人黎食飯 : >個陣 聽到佢被逼結業既消息.. 都無時間返黎食好幸運 佢又係下兩層開返 ~~~ *v*格局同之前都一模一樣 有主店+另一間房仔其實個人覺得好時既價位唔係特別平 不過好既地方係佢既食物份量係會令你食得飽同埋真係好多星馬菜*v* 令人懷念去星馬旅行既日子(同埋個度既地道美食)黎左咁多次~~~ 今次係第一次試佢既 排骨茶$63!!!意想不到地好正!! 落左勁多藥材同排骨, 近似馬來西亞風味既肉骨茶~ 而且胡椒味唔會過重, 非常好飲同補身 : )!!推介飲呢個~~~半隻海南雞$99 平時黎其實多數係叫海南雞飯($53)但係今日朋友請客 ;DD 佢話想叫半隻 咁就半隻啦~~ ;D先發現原來半隻係有咁多@__@呢度既海南雞其實係幾滑身~~ 不過就無乜味... 都係要靠點醬汁去加味 (心入面掛住新加坡既天天海南雞....>__<)我地另外加左1碗白飯$8同2碗油飯$12~~辣通菜$45 其實唔辣....XD 其實不嬲都覺得出街叫菜食唔抵...但係通菜係我唯一抗拒唔到 總會叫黎食既菜出街炒既零舍夠鑊氣 咸咸辣辣咁好快又食晒一碟!串燒沙嗲半打$49 (雞,牛,豬各2串) 其實呢度d串燒一向都麻麻基本上又係無乜味.... 要靠點沙嗲醬, 肉類既味道又唔突出...都唔係好分到自己食緊邊一款不過今次對比起以前係叫左好味左 起碼肉質都嫩滑左希望下次黎會再好味D! 始終黎得呢度一定想食串燒~~~又係第一次試既香蘭葉包雞$50 有六舊淨肉既雞~~~用香蘭葉(即係斑蘭葉)包住咁拎去炸...雞肉果然係特別嫩滑!!! 而且雞肉已經沾上斑蘭既香味, 係比較清新自然既一款~haha....食到最尾食到胃口全開lol 又咁岩見到人食呢個好似好正臨尾追加左個薄餅2件$27 我地無特別再叫咖喱去食我自己就鐘意就咁食 享受薄餅既煙韌同濃厚既麵粉香我朋友就用返食串燒既沙嗲去一齊食~~~ 兩種食法都好味!!三個人食埋單$365 都算ok~~ 而且今次食d野整體都唔錯幾滿足 : ) continue reading
(The above review is the personal opinion of an user which does not represent OpenRice's point of view.)
Level4 2017-07-25
9124 views
曾經深受食客喜愛的尖沙咀新加坡菜老鋪 - 好時沙嗲,於尖東屹立了33年,經歷幾個月結業後戲劇性再重開,選址好時中心原位再戰江湖,還記得結業前一晚人人都紛紛到來湊熱鬧,高呼歎息可惜,社交平台也給洗了版。 在那殘舊如國貨公司的商場內,選擇原址重開的好時,多租了幾個鋪位,比之前佔地更寬敞,招牌也比之前明亮,星期六下午,竟然不用等位,亦沒有人山人海的局面出現,出奇得有點愕然,不過不用等位,也沒有考慮太多了。 因為主餐廳部分已坐滿了,於是店員姐姐領我們到另一邊鋪位,裝修簡單直接得多,沒有多餘的修飾,也沒有投放太多,這點也不難明白,唯一沒變的是座位之間仍是較狹窄。 餐牌跟之前沒太大改動,價錢上亦微微加了點,於尖沙咀區來說還算是平易近人,很想吃巴東牛肉,還有馳名的沙嗲串燒,不過今趟沒有點上,只因辣已離我而去,不可涉足了。 落單後大概了五分鐘,先來碟炒貴刁 $49。毫無疑問本地餐廳吃到的炒貴刁本身是辣的(當然有些人是不知道的),但標榜是星馬菜的炒貴刁又如何?心血來潮很想吃但又不吃得辣,膽粗粗的詢問落單姐姐,竟想不到落單姐姐答我有不辣的選擇,不過補充一句的說: 有些辣會好吃點,我也深明阿媽是女人的道理,只是非不為也,是不能也的理由啊,最後點上不辣的炒貴刁來滿足口癮。 每條貴刁都染上深色的醬油: 生抽、老抽、魚露等,傳來陣陣的香味更是濃郁,粗扁而薄的貴刁,賣相猶如乾炒牛河般,黏黏濕濕的,一點也不乾身,色深味濃,鹹中帶甜的味道,炒功跟火喉也算是到位,實是重口味朋友的至愛。 佐料有蝦仁、蛋花、芽菜、臘肉、魚餅等,當然這個價錢用上雪藏蝦是無可厚非 ,不過吃下爽口,還是收貨。臘腸反而加得不手軟,本身不太愛吃臘腸或是臘味飯,因十分懼怕那油膩味,但當臘腸、臘肉加工過後,如加到蘿蔔糕、生炒糯米飯、炒河等卻又頗喜歡。這碟炒貴刁中的臘腸,瘦肉跟肥肉平均,脆身香口而不太硬,令貴刁更加香口惹味。只可惜當中的蛋花顯得較"濕碎",似有若無的感覺。走辣版的炒貴刁沒有了辣椒醬的刺激,吃下的風味若有所失感覺,唯有從海南雞飯的辣椒醬中取來點點辣,當然不及原汁原味的好味。 以海南雞馳名的,又怎可以錯過來一碟招牌無骨的海南雞飯 ($53)呢。淡黃色的海南雞表面充滿油滑亮澤,份量亦算是頗多,肉質肥美嫩滑帶油香,用雞骨熬成的上湯把雞浸熟再去骨,果然當中保存的肉汁是不少,雞皮亦較爽口,吃下亦有雞味,不過稍嫌今日的海南雞雞皮與雞肉之間的那層脂肪較為多,入口有點肥膩,撇除這肥膩,雞是好吃的。 供蘸點的三色醬: 豉油、薑蓉、辣椒醬,稠身的豉油醬最為我喜愛,又甜又厚身,可以稍為分解一下雞的油膩,令雞件更惹味。 同樣有光澤的油飯堆滿一整個飯碗,飯粒分明,軟硬適中,除了吃到雞油的香氣外,飯中那濃郁的蒜香味,亦是多吃幾口的原因。不過伴隨那碗雞湯味道就較為一般,鹹鹹的沒太有味道,相比下只是失色的陪襯。 最後來一杯無得輸的青檸梳打 ($9)來解解膩,味酸清香,滿足也。 老闆這次捲土重來,希望調整以往的口啤,希望再做出水準來,以新加坡大排檔菜式掛帥的老鋪,重開後風味依舊嗎?味道有改善進步嗎? 我不敢說,因為回憶裡的味道始終是美好的,若要跟回憶中的味道相比,難免有失公允。不過平心而論味道算是不錯,某些方面是進步了的,但若要在訊息萬變的飲食界中站穩陣腳,看來功夫要多花幾倍呢! continue reading
(The above review is the personal opinion of an user which does not represent OpenRice's point of view.)
Level2 2018-07-19
0 views
中午黎到好時沙嗲食新加坡菜,一入到去就見到已經非常多人正在進餐,好熱鬧。聽同事講呢度既海南雞飯幾好食,所以都點左一客海南雞飯試下。佢係用左黃油飯同配左三小碟醬油,另外仲有碗清清地既湯。食落雞既味道同口感都唔錯,幾嫩滑唔會太乾。另外叫左個加多加多沙律、福建炒麵同幾串雞牛串燒。加多加多係我覺得最好食既其中一樣野食,佢個醬配上生菜同蝦片黎食非常獨特又滋味。另外碟福建炒麵都比想像中好食,有一陣濃郁既海鮮味道。 continue reading
(The above review is the personal opinion of an user which does not represent OpenRice's point of view.)
Level3 2018-07-18
45 views
某日同老婆去睇演唱會前 ,先在尖東搵嘢食開餐醫肚, 上網搵資料後發現這間好時沙嗲評語不錯便去試試, 晚飯時段人流都算多, 等了一會便有人安排入座, 看完餐牌後沒有太大驚喜, 點了一個鹹魚銀芽炒飯。 味道不過不失, 份量都算足夠, 但個人覺得炒飯偏濕和𣺉還叫了炒貴刁。 較為惹味, 但味道不過不失, 不夠鑊氣, 感覺很油膩。最後叫了沙嗲串。 串燒味道和汁醬都不錯, 不過感覺上唔係即燒, 好似已經燒定咗再翻熱。 最後點了一個青檸梳打消一消滯 整體環境和食物好一般。 continue reading
(The above review is the personal opinion of an user which does not represent OpenRice's point of view.)
Level2 2018-07-14
102 views
今日睇黃子華之前就黎左好時沙嗲,之前執左一排,又再重開。位置同裝修依舊, 食物都仲係個啲, 海南雞呀, 叻沙呀, 個啲。今次個menu 好似新左。講緊個紙質。叫左份沙嗲串燒叫得好時沙嗲, 啲沙嗲應該好食啦。啲沙嗲汁的而且確係好食, 夠香,味道都唔會牌辣。但係啲串燒就真係麻麻。 啲肉冇乜味, 有啲散。 唔夠熱。星洲炒蘿蔔糕係我每次黎必叫既, 本身我好鐘意食蘿白,再加上呢碟野係好夠味。 好香口。份量夠二人吃。仲有叫左個叻沙, 味道 ok , 但係浸得耐左, 唔夠湯,香味都唔夠。埋單167。 要加一。 價錢唔貴, 但係感覺去茶餐廳食野咁, 要加一有啲奇怪。 continue reading
(The above review is the personal opinion of an user which does not represent OpenRice's point of view.)