Video
Read full review
2009-11-10
18 views
有意去Yamm食 buffet 的... 請三思。一思價錢；二思食物；三思服務！以上三項我都覺得以差不多五百蚊去食,真係完全唔值。事緣媽咪昨日生日，一家人去食，已問切餅費要收兩舊水，搶咩！算。~ 蠔 ~ 非常咸，邊有一間酒店、自助餐用ｄ咁既蠔黎招乎人？除非唔想ｄ客食咁多所以搵ｄ咁咸既蠔黎喇！問個哥哥仔 (穿西裝的高級侍應？) 話 "係呀，咁至新鮮丫嘛，澳洲蠔係海水味濃ｄ架" ~ 嘩～一餐buffet食得果一兩隻咸蠔，真係蝕呀！~ 長腳蟹 ~ 都係較咸，但就無蠔咸得咁離普，都係食左三隻腳其餘海產好似龍蝦、帶子卻又鞋又淡口~ 唔好以為任食海膽好開心，每次order都少之有少，已講明要幾多人既份量，每次都係得少少，點分？唯有係咁叫囉，唔係點？帶子又係，四人分量比三舊！甜蝦係肥美，但得個樣味道無乜。食左以上既野，我已經覺得唔係好舒服，可能太咸既關係喇，攪到反胃，入左廁所嘔，真係浪費。諗住飲碗熱湯暖暖個胃，點知ｄ Miso 係唔熱，唉，係唔熱呀！~ 和牛剌身 ~ 唔知係咪多人order，所以已經係未溶哂雪就上枱，凍冰冰仲要係硬硬地，唔掂。其他熟食，一般都OK，不過都係唔夠熱。看似高級既環境，有一
一思價錢；二思食物；三思服務！
以上三項我都覺得以差不多五百蚊去食,真係完全唔值。
事緣媽咪昨日生日，一家人去食，已問切餅費要收兩舊水，搶咩！算。
~ 蠔 ~ 非常咸，邊有一間酒店、自助餐用ｄ咁既蠔黎招乎人？除非唔想ｄ客食咁多所以搵ｄ咁咸既蠔黎喇！問個哥哥仔 (穿西裝的高級侍應？) 話 "係呀，咁至新鮮丫嘛，澳洲蠔係海水味濃ｄ架" ~ 嘩～一餐buffet食得果一兩隻咸蠔，真係蝕呀！
~ 長腳蟹 ~ 都係較咸，但就無蠔咸得咁離普，都係食左三隻腳
其餘海產好似龍蝦、帶子卻又鞋又淡口
~ 唔好以為任食海膽好開心，每次order都少之有少，已講明要幾多人既份量，每次都係得少少，點分？唯有係咁叫囉，唔係點？帶子又係，四人分量比三舊！甜蝦係肥美，但得個樣味道無乜。
食左以上既野，我已經覺得唔係好舒服，可能太咸既關係喇，攪到反胃，入左廁所嘔，真係浪費。諗住飲碗熱湯暖暖個胃，點知ｄ Miso 係唔熱，唉，係唔熱呀！
~ 和牛剌身 ~ 唔知係咪多人order，所以已經係未溶哂雪就上枱，凍冰冰仲要係硬硬地，唔掂。
其他熟食，一般都OK，不過都係唔夠熱。
看似高級既環境，有一班唔太專業既侍應作服務，態度一般。
不過要讚既係羊架做得唔錯，肉質可以又有味，不過都係唔熱。
甜品應該唔錯(因我唔多食，卻見身邊人食得津津有味)，雪糕雖然得兩種味，不過都唔錯，又夠凍。
或者希望越大失望就越大喇，整體如果問我值幾錢，二百有找就差唔多。
以上都係我食完之後既感受，正所謂真係 "岩岩遇著剛剛" ｄ食物一般、太咸。
呢度，我一定一定唔會黎第二次囉。
Post