Read full review
2020-01-24
1902 views
圓山台灣料理 #尖沙咀位於尖沙咀，餐廳裝修懷舊，屹立多年。雖然個名有台灣兩個字，但係裝修架構都好似港式酒樓，都係有分唔同點心、小菜，不過就再加埋啲台灣菜式。當日同屋企人一齊食午飯，嗌咗個二人商務午市套餐$288，分別可以嗌:🥟兩款點心❣️水晶鮮蝦餃：正正常常，皮薄、內饀都有成兩三隻蝦仁。❣️椰汁棗蓉糕：同樣不過不失，煙煙韌韌，帶淡淡的紅棗味，都係平時酒樓貨色。🧆兩款小菜，小菜方面就出色啲，分量夠晒大！❣️三杯雞🐓：原煲送上，雞肉夠多，用上各種香料，都幾入味。唯獨係佢嘅雞肉比較鞋。❣️蛋黃肉🍳：呢個真係好特別，從來都未見過，味道其實有啲似肉餅，不過就整成圓柱體咁，半肥胖瘦肉，配上甜甜嘅醬汁，都幾好味，不過就有少少肥膩。🍲兩碗老火例湯❣️西洋菜排骨，例湯來講都算幾好飲，熬到出晒味，啲排骨一絲絲肉可以咬開，絕對唔會因為煲咗咁耐而變到鞋颯颯。🍚肉燥飯❣️肉燥飯都幾地道，細細碗飯再配上一大堆半肥瘦嘅滷豬肉，絕對唔係嗰啲港式加啲肉碎就扮係肉燥飯。不過就略嫌滷肉嘅份量唔夠多送晒成碗飯。🍜擔仔麵❣️曾經喺度小月嗰度食擔仔麵，雖然出名，但係嗰一次真係大失所望，唔特別又冇乜味。但今次喺呢一間食嘅擔仔麵反而幾濃郁，麵條索
位於尖沙咀，餐廳裝修懷舊，屹立多年。雖然個名有台灣兩個字，但係裝修架構都好似港式酒樓，都係有分唔同點心、小菜，不過就再加埋啲台灣菜式。
當日同屋企人一齊食午飯，嗌咗個二人商務午市套餐$288，分別可以嗌:
🥟兩款點心
❣️水晶鮮蝦餃：正正常常，皮薄、內饀都有成兩三隻蝦仁。
❣️椰汁棗蓉糕：同樣不過不失，煙煙韌韌，帶淡淡的紅棗味，都係平時酒樓貨色。
🧆兩款小菜，小菜方面就出色啲，分量夠晒大！
❣️三杯雞🐓：原煲送上，雞肉夠多，用上各種香料，都幾入味。唯獨係佢嘅雞肉比較鞋。
❣️蛋黃肉🍳：呢個真係好特別，從來都未見過，味道其實有啲似肉餅，不過就整成圓柱體咁，半肥胖瘦肉，配上甜甜嘅醬汁，都幾好味，不過就有少少肥膩。
🍲兩碗老火例湯
❣️西洋菜排骨，例湯來講都算幾好飲，熬到出晒味，啲排骨一絲絲肉可以咬開，絕對唔會因為煲咗咁耐而變到鞋颯颯。
🍚肉燥飯
❣️肉燥飯都幾地道，細細碗飯再配上一大堆半肥瘦嘅滷豬肉，絕對唔係嗰啲港式加啲肉碎就扮係肉燥飯。不過就略嫌滷肉嘅份量唔夠多送晒成碗飯。
🍜擔仔麵
❣️曾經喺度小月嗰度食擔仔麵，雖然出名，但係嗰一次真係大失所望，唔特別又冇乜味。但今次喺呢一間食嘅擔仔麵反而幾濃郁，麵條索晒肉汁嘅味，有驚喜！
🍬紅豆沙
❣️最後仲有碗紅豆沙作總結，同陳皮一齊熬，啲紅豆煮到沙沙地，傳統中式紅豆沙嘅味道。
另外仲嗌多左個❣️🍠秘製糖番薯$50❣️🐟鮮菇魚肚扎$38。
之前去台灣食過當地嘅糖番薯真係覺得好好味，除咗甜之外仲會多咗煙韌嘅口感。雖然呢一個未做到台灣嘅口感，但係甜甜地都幾好。
至於鮮菇魚肚扎就正常啦，用腐皮包住魚肚同埋鮮菇，雖然魚肚都幾軟綿綿，但比起一般嘅雞扎少啲料，口感味道冇咁豐富。
整體來講味道普通，但係都算幾抵食，每一樣份量都幾多，一家人嘅話都可以考慮呢一間食飯，比起平時一般嘅酒樓多少少花款。
味道: 3.6/5
性價比: 3.8/5
Post
