四姐川菜

Open Now

Now Closed

今日同朋友經開銅鑼灣，本人鐘意食辣野，於是上OpenRice search 下睇下附近有咩川菜食，見到原來百樂中心成棟大廈都有好多野食，今次試既係叫四姐川菜，喺15樓。 一入到去都幾full, 好彩前一晚有book定，唔係應該要等位，我地見到都幾多外國人泥食，環境算幾有特色。我地兩個人一於叫個二人餐，前菜選兩份，要左招牌四川涼麵同小食既涼拌木耳。一上碟，老闆娘有幫我地介紹同撈埋，話一定要撈暈個辣汁先夠正。果然一試，個辣汁岩岩好，唔會好辣，同個涼麵一齊食一流！之後主菜要左個水煮魚，糖醋豬柳同酸辣土豆絲。由於朋友食唔到太辣，要左bb辣。個水煮魚份量勁多，魚滑又無骨，仲有大量芽菜同薯粉喺粉，真係好好味！個糖醋豬酸酸甜甜咁，好開胃，送飯一流！另外個土豆絲好夠穫氣，啲薯仔夠爽口，最後原來仲有碟菜送反，真係食到飽哂！一定會再泥試埋其他款式！